Робаты гродзенскага партала s13.ru пачалі працу 12 лютага. У іх пакуль што трохі механічныя галасы і яны не заўжды правільна ставяць націскі. Затое — прапануюць вяшчанне ў аўтаматычным рэжыме з мясцовымі навінамі. Хутка маюць з’явіцца прагнозы надвор’я, курсы валют, паведамленні аб корках на дарогах.
Музычны чарт бот-радыё фарміруецца згодна з перавагамі слухачоў. Першы трэк, які нам удалося там пачуць: «Ах как же ты мне, сука, нравишься». У плэйлісце радыё: заходняя і руская поп-музыка.
Колькасць слухачоў анлайн робаты перыядычна падлічваюць і абвяшчаюць у эфір. Па словах адміністратара блога Сяргея Чабоцькі, іх колькасць у першы дзень дасягала 600 чалавек. У момант, калі мы тэставалі бот-радыё, каля 14.30, анлайн было 69 слухачоў.
Асноўная частка аўдыторыі, на каторую разлічвае каманда s13 са сваімі робатамі - гродзенцы. Арганізатары лічаць, што такі фармат будзе запатрабаваны. З досведу працы сайта яны ведаюць — мясцовыя навіны заўжды цікавяць гараджан.
Распрацавалі бот-радыё спецыялісты з MEGA.BY. Па іх словах, цягам бліжэйшага месяца функцыянал будзе значна пашыраны за кошт новых аўдыёпраграм і ўдасканалення робатаў-вядучых.
«На сёняшні дзень начытка навінаў не ідэальная, у робата ёсць праблемы з націскамі ў некаторых словах, але мы штодзённа паляпшаем свой слоўнік, каб мова „вядучых“ стала максімальна лёгкай для ўспрыняцця»,
— адзначыў Андрэй Ваглай, дырэктар кампаніі.
Распрацоўшчыкі лічаць, што цалкам магчыма наблізіць узровень працы бот-радыё да ўзораў класічных радыёстанцый. Асноўнай цікавосткай праекта яны лічаць максімальнае прыцягненне слухачоў у працэс фарміравання кантэнту і музычнага напаўнення.
Паслухаць і зацаніць бот-радыё можна на старонцы http://s13.ru/radio/ або дадаўшы ў плэер спасылку плыні radio.s13.ru:8109/live.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…