Ілюстрацыя: comedy.co.uk
У гродзенскіх кінатэатрах не пакажуць фільм «Смерць Сталіна». Пра гэта карэспандэнту Hrodna.life паведамілі ў «Гроднааблкінавідэапракаце».
— Дазвол на пракат гэтага фільма не дало Міністэрства культуры. Наколькі нам вядома, у Расіі такая ж сітуацыя, — сказаў па тэлефоне прадстаўнік «Гроднааблкінавідэапраката».
— Але ж была навіна, што дазвол ёсць і ў Мінску фільм пакажуць.
— Нам пра гэта невядома. У Гродне дакладна не будуць працаваць з гэтым фільмам.
Па інфармацыі Hrodna.life, дзяржаўныя пракатчыкі ў Беларусі наогул не будуць набываць правы на паказ фільму. Дакладна вядома, што з 8 лютага стужку будуць паказваць у Мінску прыватныя кінатэатры «Silver Screen» і «Falcon Club Бутик Кино».
Праз нейкі час у рэдакцыю перазванілі з «Гроднааблкінавідэапраката» і растлумачылі, што «не дамовіліся аб умовах з праваўладальнікам».
Фільм «Смерць Сталіна» зняў брытанскі рэжысёр Арманда Іанучы. Гэта палітычна-сатырычная камедыя. Фільм расказвае пра апошнія гадзіны жыцця генсека і палітычную барацьбу пасля яго смерці. Камедыя заснавана на коміксе французскіх аўтараў Фаб’ена Нуры і Цьеры Робена «Смерць Сталіна. Гісторыя, праўдзіва … савецкая».
У Расіі фільм забаранілі для пракату. У Мінкульце РФ палічылі, што «Смерць Сталіна» — гэта здзек з савецкага мінулага. У Беларусі продаж квіткоў перад прэмъерай прыпынілі, але 5 лютага фільм дазволілі.
Ноч музеяў пройдзе ў Беларусі 17 траўня. У Гродне абяцаюць квізы і касцюміраваныя экскурсіі. У…
Для мадэрнізацыі пляжу на Юбілейным возеры купяць абсталяванне. Там з'явяцца гульнявы комплекс "Князь Гедымін" з…
Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…
На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…
Італьянскі рэстаран "Сант Микеле" з піцамі і элементамі малекулярнай кухні выставілі на продаж. Пра прычыны…
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…