Апошні раз яна была на такім узроўні ў 2011 годзе.
Cтаўкі па пастаянна даступных і двухбаковых аперацыях падтрымкі ліквіднасці - з 12 да 11,75% гадавых. Такое рашэнне прыняло праўленне Нацыянальнага банка.
Гэта першае зніжэнне стаўкі рэфінансавання ў 2018 годзе. У мінулым годзе Нацбанк зніжаў стаўку восем разоў. Апошняе рашэнне аб яе памяншэнні з 11,5 да 11% ўступіла ў сілу 18 кастрычніка, піша сайт naviny.by.
Як адзначаюць у галоўным банку краіны, чарговае рашэнне аб зніжэнні стаўкі рэфінансавання прынята з улікам існуючага і прагнознага ўзроўню інфляцыі, росту эканомікі, які працягвае аднаўляцца, а таксама спрыяльных тэндэнцый на знешніх рынках.
Далейшыя рашэнні Нацбанка па змяненні працэнтных ставак будуць залежаць «ад адпаведнасці інфляцыі прагнознай траекторыі, развіцця сітуацыі ў эканоміцы і грашова-крэдытнай сферы, а таксама верагоднасці і велічыні рэалізацыі інфляцыйных рызык, якія стрымліваюць дасягненне сярэднетэрміновай мэты па інфляцыі».
Стаўка рэфінансавання да канца гэтага года можа знізіцца да 9,5−10,5%, паведаміў журналістам 24 студзеня начальнік галоўнага ўпраўлення манетарнай палітыкі і эканамічнага аналізу Нацбанка Дзмітрый Мурын. Ён звярнуў увагу, што на гэты год інфляцыя запланавана на ўзроўні 6%.
«З улікам гэтага, на наш погляд, стаўка рэфінансавання да канца года можа знізіцца да 9,5−10,5%», — сказаў Мурын.
Непаўналетняга жыхара Ваўкавыска асудзілі на год "хатняй хіміі" за здзек з дзяржаўнага сцяга, піша мясцовая…
Асноўныя мерапрыемствы пройдуць у цэнтры горада 1 сакавіка. Запланавана масленічнае шэсце, спаленне пудзіла зімы і…
Гродзенка паказала ў TikTok наступствы капітальнага рамонту інтэрната па вуліцы Гогаля, 9. Пасля работ на…
Жылы комплекс «Аляксандраўскі» узводзяць на месцы былых ваенных казармаў. Забудова будзе складацца з двух невысокіх…
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…