Начальнік Падляскай мытні ў Беластоку абвясціў продаж канфіскаваных аўтамабіляў ад кантрабандыстаў. Аднак на жаль, піша poranny.pl., гэтыя аўтамабілі могуць набыць толькі фірмы, якія займаюцца разборкай аўтамабіляў, без права рэгістрацыі гэтых машын або продажу іх з мэтай карыстання.
Таргі прызначаныя на 5 лютага ў будынку мытнай службы ў Беластоку. Гэта чарговы распродаж канфіскаваных аўто падляскімі мытнікамі.
Падчас таргоў можна купіць аўтамабілі за невялікія грошы. Гэтым разам выстаўленыя citroen jumpy з 2007 года за ўсяго толькі 2800 злотых (прыкл. 840 даляраў - рэд.) і mazda 6 skyactiv з 2016 года зa 12 000 злотых (прыкл. 3600 даляраў - рэд.).
Мытнікі час ад часу робяць такі распродаж канфіскаваных аўто, падчас гэтых таргоў можна набыць люксовыя маркі за меншыя грошы.