Гродзенскія следчыя шукаюць махляра, які пакідаў людзей без кватэры ці хаты

Упраўленнем Следчага камітэта па Гродзенскай вобласці, на падставе матэрыялаў праверкі, праведзенай упраўленнем Дэпартамента фінансавых расследаванняў КДК Рэспублікі Беларусь па Гродзенскай вобласці, распачата крымінальная справа ў дачыненні да жыхара Гродна Віктара Глінды, 1965 году нараджэння, які абвінавачваецца ў здзяйсненні махлярства, у тым ліку здзейсненага ў буйным і асабліва буйным памерах, піша сайт Следчага камітэта.

Мужчына набываў кватэры, дамы і зямельныя ўчасткі ў грамадзян, якія вядуць асацыяльны лад жыцця, пераафармляў іх на падстаўных асоб, а затым прадаваў па завышаным кошце. З прадаўцамі нерухомасці не разлічваўся ці ажыццяўляў аплату часткова, перасяляючы былых уладальнікаў у аддаленыя вёскі Гродзенскага раёна, альбо пакідаў іх зусім без жылля. Следства мае дадзеныя пра некалькі такіх фактаў.


Раней падазраваны быў асуджаны за махлярства і незаконную прадпрымальніцкую дзейнасць, звязаныя з аналагічнымі дзеяннямі па завалоданні чужой нерухомасцю. Мужчыну затрымалі і заключылі пад варту. Праводзіцца комплекс неабходных следчых дзеянняў і аператыўна-вышуковых мерапрыемстваў па праверцы маёмаснага становішча абвінавачанага ў мэтах забеспячэння маёмасных спагнанняў і магчымай канфіскацыі маёмасці.

Для ўстанаўлення ўсіх абставінаў, а таксама выяўлення іншых магчымых асоб, якія сталі ахвярамі ашуканскіх дзеянняў, праводзіцца далейшыя расследаванне. Грамадзяне, якія пацярпелі ад дзеянняў гэтага чалавека, могуць звяртацца па тэлефонах, пададзеных на сайце Следчага камітэта.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025