У чарговым туры чэмпіянату Беларусі, які праходзіў у Гродне 20 студзеня, каманда Сяргея Пушкова абыграла лідэра турнірнай табліцы — салігорскі «Шахцёр» з лiкам 4:2. Пасля пераможнага матчу, галоўны трэнер «Нёмана» адзначыў, што яго каманда паказала на роднай пляцоўцы, той хакей, якім яна славілася ў мінулым годзе.
Гродзенцы ў матчы з «Шахцёрам» са стартавых хвілін задалі тон і працягнулі ў такім рытме да самага канца. Пасляматчавая статыстыка паказала, што «Нёман» па кідках перакідаў свайго суперніка ў два разы.
«Нёман» — «Шахцёр» 4:2 (1:0,0:1,3:1)
галы:
12.44 1:0 — Ляўша (Дзярлюк, Мятлюк)
27.07 1:1 — Мацярухін (Камбовіч, Ружычка, — бол.)
43.28 2:1 — Багданоўскі (А.Маляўка)
44.08 3:1 — Стэфановіч (Баярчук, Жыдкіх)
55.55 3:2 — Дзямкоў (Камбовіч, Пiтуле)
56.56 4:2 — Лісічкін (Пасют)
Сяргей Пушкоў пасля матчу:
«Я пасля гульні зайшоў у распранальню і сказаў хлопцам, што яны сёння паказалі той хакей, якім мы славіліся ў мінулым годзе. Хуткі, агрэсіўны, актыўны, з вялікай колькасцю момантаў. Калі браць статыстыку, то нават па кідках перакідалі разы ў два… Яшчэ падзякаваў каманду за вельмі добрую і дысцыплінаваную гульню. Як гаворыцца, усё нельга выканаць, але сёння было выканана практычна ўсё. Выдатна рухаліся, гулялі, атакавалі, кідалі, абараняліся і тая перавага, якая была ў гасцей у большасці таксама вельмі прыстойна згулялі - не далі нічога зрабіць. Ну гол трошкі кур’ёзны атрымаўся з пункту гледжання, што там шайба падскочыла ўверх ад клюшкі. Хлопцамі вельмі задаволены сёння, яны вялікія малайцы. Я думаю, яны парадавалі сёння не толькі гледачоў, але і саміх сябе такім хакеем».
Пасля чатырох гульняў у 2018 годзе «Нёман» не ведае паражэнняў і з 75 ачкамі ў шчыльную наблізіўся да лідэраў чэмпіянату: «Шахцёру» (76) і «Юнацтва» (77).
Свой наступны матч гродзенцы правядуць таксама дома 23 студзеня і будуць прымаць жлобінскі «Металург».
