За ноч у Гродне выпаў снег, а ўжо раніцай «АўтаГродна» зафіксаваў першую аварыю, звязаную з ўмовамі надвор’я. Каля 11 гадзін жанчына на VW Transporter паварочвала налева з вуліцы Сав.Памежнікаў на вуліцу В.Соламавай.
— Мяне ніхто не падрэзаў, хуткасць была невялікая, але аўтамабіль стала занасіць. Спыніцца на асфальце таксама не атрымлівалася, счаплення з дарогай амаль не было. У выніку машыну разгарнула і я ўрэзалася ў святлафор, — распавяла кіроўца карэспандэнту АвтоГродно.
Таксама жанчына сказала, што пакуль ставіла знак аварыйнага прыпынку, побач занесла кіроўцу на легкавым Mazda, які ледзь размінуўся з яе мікрааўтобусам.
Дарэчы, толькі што ў Гродне былі заўважаныя снегаўборачныя трактары. Шэсць трактароў шчыльным звяном едуць адзін за адным і за адну праходку вычышчаюць усю праезджую частку.
