Ноч на 16 студзеня стала самай халоднай у бягучым зімовым сезоне. Абсалютны тэмпературны мінімум гэтай зімы зафіксаваны ў Слаўгарадзе (Магілёўская вобласць) — 15,5 градуса марозу, пішуць naviny.by.
Ва ўсіх абласных цэнтрах і Мінску мінулая ноч таксама была самай халоднай. У Брэсце было 11,3 градуса ніжэй за нуль, у Гродне — 11,5, Менску — 13,2, Віцебску — 13,3, Магілёве — 13,7, Гомелі - 14 градусаў.
Да 10 і ніжэй градусаў тэмпература ўпершыню апусцілася ў ноч на 13 студзеня. У Віцебску гэта адбылося ў ноч на 14 студзеня, у Мінску і Гомелі - у ноч на 15 студзеня, Брэсце, Гродне і Магілёве — у ноч на 16 студзеня.
Самая цёплая ноч у Гродне была 25 снежня (плюс 5,4).
У бліжэйшыя суткі ў краіне пацяплее. Згодна з матэматычнай мадэллю доўгатэрміновага прагнозу на партале Gismeteo, маразы могуць паўтарыцца 24 і 25 студзеня, а таксама 9−11 лютага. Больш глыбокага пахаладання пакуль не прадбачыцца, піша БелаПАН.