Гарадскі пасёлак Сапоцкін чакаюць перамены: яго межы трохі пашыраць, зменіцца інфраструктура. У мінулым годзе населены пункт увайшоў у праграму перспектыўнага развіцця на 2018 год, піша «Перспектыва».
Сёння разглядаюць магчымасць правядзення капітальных рамонтаў будынкаў: ад мясцовай школы да жылых дамоў. У задумцы — асфальтаванне і добраўпарадкаванне вуліц, будаўніцтва артэзіянскай свідравіны і кацельні, рэканструкцыя ачышчальных збудаванняў. Сёння экспертызу праходзіць генеральны план развіцця мястэчка. Чакаецца, што Сапоцкін трохі пашырыць свае межы.
Як патлумачыла намеснік начальніка аддзела архітэктуры і будаўніцтва Гродзенскага райвыканкама Наталля Сяляўка, аб’ём работ па новым абліччы Сапоцкіна будзе залежаць ад фінансавання.
«Разглядалі магчымасць узвядзення аўтазаправачнай станцыі. Але, хутчэй за ўсё, пакуль гэты пункт нельга рэалізаваць, бо на дадзены аб’ект патрабуецца парадку двух мільёнаў еўра», — удакладніла Наталля Сяляўка.
Падобная сітуацыя выйшла з пажарным дэпо, яго прапаноўвалі ратавальнікі. Але, верагодна, гэты праект адкладуць.
Як зменіцца інфраструктура, дакладна скажуць у бліжэйшы час, пасля таго, як праект вялікага будаўніцтва ў Сапоцкіне ўхваляць ў Гродзенскім аблвыканкаме. Выдаткі на працы ў большай ступені пойдуць з раённага бюджэта. Як распавяла старшыня Сапоцкінскага сельсавета Лілія Шаматовіч, мястэчка суседнічае з Аўгустоўскім каналам, а значыць, патрэбныя кафэ і гасцініца. У сувязі з гэтым улады плануюць выставіць на аўкцыён будынак былога ўнівермага з умовай продажу пад ўстанову грамадскага харчавання або гатэль.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…