Масавыя навагоднія мерапрыемствы пройдуць 1 студзеня з 01.00 да 04.00 гадзін на плошчы Леніна. У 02.00 у парку Жылібера адбудзецца святочны салют.
Каб забяспечыць грамадскі парадак і бяспеку грамадзян, на плошчы Леніна з дапамогай турнікетаў створаць тэрыторыі бяспекі з 5 пунктамі пропускаў з асабістым даглядам. Каб спрасціць і зменшыць яго час УУС Гродзенскага аблвыканкама рэкамендуе браць з сабой мінімальную колькасць рэчаў.
Таксама ўдзельнічаць у мерапрыемстве забараняюць ў стане алкагольнага ап’янення або ў стане, выкліканым ужываннем наркатычных сродкаў, псіхатропных, таксічных або іншых адурманьваючых рэчываў. Не будуць дапускацца да ўдзелу грамадзяне з хатнімі жывёламі і на роварах.
Падчас мерапрыемстаў міліцыя мае права агароджваць тэрыторыі інжынернымі і тэхнічнымі сродкамі, рабіць аўдыё – і відэазапіс удзельнікаў. Калі грамадзянiн адмаўляецца ад асабістага дагляду альбо ад дагляду асабістых рэчаў, яго не прапусцяць не мерапрыемства.
У сувязі з правядзеннем святочных мерапрыемстваў у цэнтральнай частцы Гродна будзе абмежаваны рух транспарту:
– з 22.30 рух асабістага аўтатранспарту;
– з 00.30 да 04.30 усяго аўтатранспарту па вуліцах:
– Савецкая;
– Ажэшкі (на ўчастку ад Савецкай да Леніна);
– Сацыялістычная (ад Карбышава да Ажэшкі);
– Дзяржынскага (на ўчастку ад Сацыялістычнай да 1 мая).
– пл. Тызенгаўза;
– Горкага (ад пл. Тызенгаўза да Міцкевіча).
З 15.00 да 04.30 на гэтых вуліцах і на дваровай тэрыторыі за дамамі № 8-14 па вул. Ажэшка і домам 5 па вул. Дзяржынскага (Гроднаграмадзянпраект) будзе забаронена паркоўка транспарту.