У Мінску 26 снежня, выйграючы па ходзе сустрэчы гродзенскія хакеісты не здолелі ўтрымаць перавагу ў матчы з “Юнацтвам” і ў выніку далі суперніку не толькі зраўняць лік, але і перавесці гульню ў авертайм. У дадатковы час каманды мацнейшага не выявілі, а ў серыі булітаў поспех у чарговы раз у гэтым годзе быў на баку супернікаў «Нёмана». У вынiку перамога «Юнацтва» з лікам 6:5.
У Мінску ў прынцыповых супернікаў атрымалася цікавая гульня з мноствам барацьбы і закінутых шайбаў. Гледачы змаглі ўбачыць галы, якія забіваліся, як пры лікавай перавазе каманд, так і пры дакладных кiдках асобных гульцоў, якiя дэманстравалi сваё майстэрства.
“Юнацтва” – “Нёман” 6:5 (бул.) (1:2, 2:3, 2:0, 0:0, 1:0)
галы:
00.33 0:1 – Баярчук (Жыдкіх, Коршунаў)
04.38 1:1 – Кагалёў (Яфіменка, Казакевіч)
08.28 1:2 – Баярчук (Жыдкіх, Стэфановіч)
22.20 2:2 – Міхно (Парфеявец, Кашкар, – бол.)
24.20 2:3 – Кліменка (Пасют, Дзярлюк, – бол.)
26.58 3:3 – Туркін (Парфеявец, Шэлег, – бол.)
28.43 3:4 – Сцяпанаў (Стэфановіч, Коршунаў, – бол.)
30.40 3:5 – Багданоўскі (Жыдкіх, Коршунаў, – бол.)
42.43 4:5 – Туркін (Захараў)
57.43 5:5 – Плотнікаў (Захараў, Міхно, – бол.)
65.00 6:5 – Плотнікаў (вырашальны кідок)
Нягледзячы на дзве запар паразы ў чэмпіянаце, каманда Сяргея Пушкова працягвае ўтрымліваць за сабой трэці радок у турнiрнай табліцы і мае ў сваім актыве 62 ачкі. Найбліжэйшы пераследнік гродзенцаў «Гомель» – 57.
Апошні матч 2017 года гродзенскія хакеісты правядуць у Салігорску 28 снежня, дзе сустрэнуцца з мясцовым «Шахцёрам».