Савет Еўразійскай эканамічнай камісіі ўстанавіў новыя правілы ўвозу тавараў фізічнымі асобамі ў краіны Еўразійскага эканамічнага саюза, паведамляе БЕЛТА.
Увесь 2018 год будуць дзейнічаць існыя нормы — бяспошлінна можна будзе ўвозіць тавары агульнай сумай не больш за 1,5 тыс. еўра і вагой да 50 кг. У далейшым у саюзе будуць паэтапна зніжацца вагавыя і коштавыя ліміты бяспошліннага ўвозу тавараў у багажы, які суправаджаецца, любым відам транспарту, акрамя паветранага.
Са студзеня 2019 года ліміт знізіцца да 1 тыс. еўра і 50 кг адпаведна, а з 1 студзеня 2020 года — да 750 еўра і 35 кг. З 1 студзеня 2021 года з-за мяжы можна будзе бяспошлінна прывезці тавары на суму, якая не перавышае 500 еўра, і вагой не больш за 25 кг.
«Змены не закранулі тавары, што ўвозяцца на тэрыторыю ЕАЭС у багажы, якія суправаджаюцца, авіятранспартам, — падкрэслілі ў ЕЭК. — Падарожнічаючы самалётам, бяспошлінна прывезці з сабой з-за мяжы па-ранейшаму можна будзе пакупкі на суму да 10 тыс. еўра і вагой не больш за 50 кг .
У канцэпцыю паэтапнага зніжэння лімітаў трапілі і тавары, якія дастаўляюць з дапамогай міжнародных паштовых адпраўленняў або перавозчыкам, у тым ліку пакупкі ў замежных інтэрнэт-крамах.
Згодна з рашэннем Савета ЕЭК, з 1 студзеня 2018 года ўстаноўлены ліміт на такія тавары ў 1 тыс. еўра і 31 кг на працягу аднаго каляндарнага месяца. З 1 студзеня 2019 года на працягу аднаго каляндарнага месяца без выплаты мытных пошлін можна будзе замовіць тавары на агульную суму да 500 еўра і вагой не больш за 31 кг. З 1 студзеня 2020 года нормы бяспошліннага ўвозу будуць зніжаны да 200 еўра і 31 кг. Пры гэтым будуць зняты ўсе абмежаванні па часе і колькасці заказаў.
Акрамя таго, разам з нормамі бяспошліннага ўвозу з 1 студзеня 2020 года будзе істотна зніжана велічыня мытнай пошліны за перавышэнне лімітаў. Калі ў 2018−2019 гадах за перавышэнне нормы прыйдзецца заплаціць 30% кошту, але не менш як 4 еўра за 1 кг вагі ў частцы перавышэння коштавай або вагавой нормы, то ўжо ў 2020 годзе — 15% ад кошту, але не менш за 2 еўра за 1 кг перавагі.
У цяперашні час у краінах ЕАЭС дзейнічаюць розныя нормы. У Казахстане, Кыргызстане і Расіі парог бязпошліннага ўвозу складае 1 тыс. еўра, у Арменіі - 200 тыс. драм (прыкладна 350 еўра), у Беларусі - 22 еўра.
Рашэнне Савета ЕЭК уніфікуе верхні парог бязпошліннага правозу. Новы Мытны кодэкс ЕАЭС дазваляе рабіць больш жорсткімі нормы бяспошліннага ўвозу на нацыянальным узроўні.
Пуховое одеяло — одно из самых уютных постельных принадлежностей. Это изделие обладает целым рядом положительных качеств, обеспечивающих тепло и здоровый сон. Если вы решили купить пуховое одеяло, то рекомендуем вам приобрести его на сайте fabrikasna.com.ua/category/odejala-puhovye. Огромный выбор, хорошее качество, приемлемые цены.
