Нягуста: менш за 1,5% ініцыятыўных груп па Гарадзеншчыне прадстаўляюць дэмакратычную апазіцыю

Па ўсёй Гарадзенскай вобласці агульная колькасць ініцыятыўных груп, якія падавалі дакументы на рэгістрацыю ў абласную, гарадскую, раённыя, сельскія выбарчыя камісіі склала 1942. Пры гэтым толькі 29 з іх, якія былі зарэгістраваны, выступаюць за вылучэнне прадстаўнікоў дэмакратычнага блоку, што складае менш за 1,5%.

З гэтых 29 груп 14 — гэта прадстаўнікі партыі «Беларускі народны фронт», 5 — ад Беларускай Хрысціянскай дэмакратыі, 6 — ад Аб’яднанай грамадзянскай партыі, 2 — ад «Гавары праўду!» і 2 ад Беларускай партыі левых «Справядлівы свет».

Прадстаўнікі БХД прэтэндуюць на месцы ў абласны (Яўген Дудкін — Альшанская ВА № 13), гарадскі (Ганна Фешчанка — Спартыўная ВА № 19, Яўген Дудкін — Агінская ВА № 23), Слонімскі раённы (Міхаіл Сошка — Брэсцкая ВА № 7, Алесь Масюк — Заходняя ВА № 15) Саветы дэпутатаў.

Ад партыі БНФ больш за ўсё ініцыятыўных груп зарэгістравалася па Лідскім раёне. Гэта 10 груп з агульных 14 ад БНФ. Адна група фігуруе ў спісе зарэгістраваных па Слонімскім раёне, яшчэ адна, група ў падтрымку Вадзіма Саранчукова, зарэгістравана ў Гарадзенскай гарадской ТВК.

Вылучэнцы ад АГП будуць змагацца за месцы ў Астравецкім райсавеце (1 група), у Гарадзенскім аблсавеце (2 групы) і ў гарадскім Савеце Гродна (3 групы).

Ініцыятыўныя групы двух вылучэнцаў ад «Гавары праўду!» зарэгістраваныя ў Гарадзенскай гарадской камісіі (Дзмітрый Бандарчук і Сяргей Двурэчэнскі).

2 ініцыятыўныя групы ад БПЛ «Справядлівы свет» — у абласной выбарчай і Слонімскай раённай камісіях.

Калі глядзець асобна па прэтэндэнтах на месцы ў абласны і гарадскі Саветы дэпутатаў, то сітуацыя наступная. У гарсавет з 48 зарэгістраваных ініцыятыўных груп 6 прадстаўляюць дэмакратычны блок (12,5%). У абласны Савет, дзе 68 ініцыятыўных груп падалі свае заяўкі на рэгістрацыю (канчатковую лічбу менавіта зарэгістраваных абласны выканкам пакуль назваць не можа), толькі 4 групы выступаюць за вылучэнне прадстаўнікоў дэмакратычных сіл.

[irp posts="43 925″ name="Відэаапытанне: Гродзенцы пра выбары ў мясцовыя Саветы"]

Падзяліцца

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025