Спадчына

«Мы са святам вас вітаем!» Калядоўшчыкі ў Гродне наведалі беларускамоўную групу ў дзіцячым садку

Калядоўшчыкі разам з Таварыствам беларускай мовы 20 снежня павіншавалі выхаванцаў дзіцячага садка № 65 у Гродне з надыходзячымі Калядамі і Божым нараджэннем.

Каза, Мішка, Зорканош і Бусел прыйшлі ў госці да малых, што наведваюць беларускамоўную групку. Па традыцыі, калядоўшчыкі складалі зычэнні, спявалі калядныя песні, вадзілі з дзеткамі карагоды.

Мядзведзь паказаў пантаміму, як дзеткі прачынаюцца, як чысцяць зубкі, як плачуць, загадаў загадкі, расказаў мудрасці.

Каза, як заўсёды, самлела падчас скокаў. Малыя ратавалі яе не пачастункамі і вершыкамі, а пасля падбеглі ды дапамаглі сваімі ручкамі падняць каляднага персанажа.

Напрыканцы калядоўшчыкі пакінулі ў садку каляднага анёлка на памяць.

Старшыня абласной рады ТБМ Алесь Крой перадаў падарункі для малых гарадзенцаў.

Звычайна калядоўшчыкі ходзяць па хатах. Аднак сваім візітам група аматараў хацела пераказаць малодшаму пакаленню традыцыі нашых продкаў.

Дарэчы, у Гродне ўсяго два дзіцячых сада і дзве школы, дзе ёсць беларускамоўныя групы або класы. Некаторыя дзеці вучацца па індывідуальнай беларускамоўнай праграме ў рускамоўных школах. Цалкам беларускамоўных дзяржаўных адукацыйных установаў у Гродне няма.

Падзяліцца

Апошнія запісы

У святкаванні Дня перамогі задзейнічаюць жывёлін. Удзельнічае і каза з Гродзенскага заапарка

У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…

9 мая 2025

Аркі на Савецкай ужо ўпрыгожылі кветкамі - гараджане параўноўваюць вуліцу з «маленькай Галандыяй»

Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…

9 мая 2025

Над гродзенскім піўзаводам устанавілі флюгер з сімвалічнай датай. Яго аўтар — знакаміты каваль

У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…

9 мая 2025

Гродзенец знайшоў рэдкія здымкі горада часоў Першай сусветнай вайны

Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…

8 мая 2025

Праўладны Telegram-канал сцвярджае, што ў Гродне няма праблем з бульбай. Гараджане абурыліся

У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…

7 мая 2025

У Беларусі скарачаецца насельніцтва, у Гродне і Лідзе — расце

Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…

7 мая 2025