Працы, згодна з праектам першай чаргі, пачаліся ў кастрычніку і скончыліся на мінулым тыдні. Тэрыторыя каля помніка архітэктуры больш не нагадвае будаўнічую пляцоўку — вежу не атачаюць будаўнічыя лесвіцы і грувасткая тэхніка. Нават здалёку прыкметныя вынікі апошняга абнаўлення, піша «Гродзенская праўда».
Абараняе вежу ад дажджу і снегу цяпер двухузроўневы дах — два верхнія і ніжні агульнай плошчай 450 м². Змяншае ўплыў навакольнага асяроддзя і адмысловая апрацоўка сцен, якая не дасць расці моху, прадухіліць з’яўленне грыбкоў і цвілі.
— Правялі расчыстку і ўнутры вежы — вывезлі камяні і бытавое смецце, — кажа майстар ААТ «Белрэстаўрацыя» Уладзімір Вайцяховіч.
З пачатку правядзення работ на Крэўскім замку накіравалі больш за 280 тысяч рублёў. Дасягнуты вынік — толькі першы крок на шляху захавання сярэднявечнага помніка архітэктуры. У 2018 годзе плануецца правядзенне работ па другім пускавым комплексе, які прадугледжвае кансервацыю паўночнай сцяны, аднаўленне яе участкаў на вышыню 7 метраў і ўладкаванне пакрыцця з дахоўкі.
Як распавялі ў галоўным упраўленні ідэалагічнай работы, культуры і па справах моладзі аблвыканкама, у Міністэрства культуры накіравана хадайніцтва аб выдзяленні фінансавання ў рамках Дзяржаўнай праграмы «Культура Беларусі» на 2016−2020 гады.
Каб захаваць унікальны помнік сярэднявечнай архітэктуры ў рамках гэтай праграмы распрацаваны архітэктурны праект першай і другой чаргі кансервацыі з рэстаўрацыяй гісторыка-культурнага аб’екта.
[irp posts="17 506″ name="Крэўскі замак рыхтуюць да раскопак, але без нагляду археолагаў"]
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…