Больш за 200 афрыканскіх студэнтаў з усіх рэгіёнаў Беларусі сабраліся ў Моладзевым цэнтры «Гродна» ў суботу 2 снежня на штогадовае мерапрыемства «Аlabanza». На ім яны танцуюць, спяваюць і гэтым праслаўляюць Бога.
Традыцыя збірацца разам напярэдадні калядных і навагодніх святаў у афрыканскіх студэнтаў у Беларусі існуе ўжо каля пяці гадоў. Апошнія некалькі гадоў мерапрыемства «Аlabanza» праходзіць менавіта ў Гродне, дзе ёсць адна з самых вялікіх хрысціянска-нігерыйскіх абшчын.
«Наша мерапрыемства праходзіць кожны год, — распавядае мясцовы пратэстант Андрэй Кніга. — Мерапрыемства прысвечана праслаўленню Бога ў трохі нязвыклай для хрысціян Беларусі форме. Мы таксама хрысціяне і праслаўляем Бога з дапамогай танцаў і музыкі.
„Аlabanza“ гэта таксама нагода сабрацца афрыканскім студэнтам разам на чужыне. Падрыхтоўка да гэтага свята доўжыцца на працягу года: здымаецца зала, апаратура, рыхтуюцца лепшыя ўборы і збіраюцца грошы. Апошнія гады мерапрыемства праходзіць у Гродне напярэдадні Каляд, бо тут адна з самых вялікіх актыўных хрысціянска-нігерыйскіх абшчын — пратэстанты і католікі».
Нагадаем, у Гродне прадстаўнікі афрыканскіх краін вучацца ў трох дзяржаўных універсітэтах, а таксама ў розных каледжах горада.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…