Па выніках грамадскіх абмеркаванняў па будаўніцтве шматпавярховікаў у мікрараёне «Фолюш» было вырашана пабудаваць 19-павярховы дом па вул. Магістральнай, паведамляецца на сайце Гродзенскага гарвыканкама.
Грамадскія абмеркаванні праводзіліся з 30 кастрычніка па 23 лістапада гэтага года. У выніку ў гарвыканкам паступіла чатыры звароты ад грамадзян, адзін з якіх калектыўны (4 подпісы). У зваротах грамадзяне выказалі сумнеў у магчымасці размяшчэння жылога дома з такой колькасцю паверхаў у гэтай зоне, а таксама блізка каля школы, і прапанавалі стварыць зялёную зону на ўсёй тэрыторыі, якая разглядаецца ў абмеркаваннях.
Гэтаксама грамадзяне прапанавалі больш дэталёва разгледзець пытанне захавання старога яблыневага сада, размешчанага ў нізкім месцы, і на яго месцы разбіць новую зялёную зону.
Прымаючы пад увагу, што функцыянальнае выкарыстанне тэрыторыі, на якой мяркуецца пабудаваць 19-павярховы дом, адпавядае дзеючай горадабудаўнічай дакументацыі, ёсць аб’ектыўная магчымасць пабудаваць тут такі дом. Колькасць ягоных паверхаў з удзелам яго размяшчэння на паніжанай тэрыторыі не будзе негатыўна ўплываць на фармаванне сілуэта вуліцы.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…