Адкрыты інтэграваны інтэлектуальны турнір «Белы кій» пройдзе ў Гродне 2 снежня у Гродзенскай школе-інтэрнаце для дзяцей з парушэннямі зроку. Удзельнічаць будуць дзве дзіцячыя і дарослыя каманды з Гродна і Ваўкавыска, якія складаюцца з людзей з інваліднасцю па зроку.
Каб быць у роўных умовах, удзельнікі з нармальным зрокам будуць гуляць у павязках. Праграма турніра традыцыйная — конкурсы «6×6», «Медыя-азбука», «Што? Дзе? Калі? «і эксперыментальная аудыягульня.
Гэта будзе ўжо шосты асаблівы турнір, які арганізоўваюць спецыяльная бібліятэка для інвалідаў па зроку «Цэнтралізаваная бібліятэчная сістэма» сумесна з народным клубам «Высокі Волак» Ваўкавыскага РНМЦТ.
Турнір адбудзецца 2 снежня ў 12:00 па вул. Дзяржынскага, 93 (2 паверх), актавая зала ДУА «Гродзенская спецыяльная агульнаадукацыйная школа-інтэрнат для дзяцей з парушэннямі зроку».
«Белы кій» — гэта чарговы напамін пра тое, што побач жывуць, вучацца, працуюць невідушчыя людзі: ім нашмат цяжэй арыентавацца ў навакольным свеце, спадзеючыся толькі на слых, нюх, дотык і белы кій.