Сістэму электроннага меню ўкаранілі ў пяці школах і гімназіях горада. З навінкай знаёмяцца вучні некалькіх класаў гімназій № 1 імя акадэміка Карскага і № 2, Гродзенскай гарадской гімназіі і сярэдніх школ № 13 і № 39, піша «Гродзенская праўда».
Электроннае меню дзеці адобрылі
Па словах начальніка аддзела адукацыі, спорту і турызму Гродзенскага гарвыканкама Андрэя Сяманчыка, першыя вынікі эксперымента будуць вядомыя ў снежні. Папярэдне ўдзельнікі новаўвядзенне ацанілі, і сістэму электроннага меню плануюць распаўсюджваць у іншых школах горада.
— Спачатку паставіліся да новаўвядзення з насцярожанасцю, — распавяла класны кіраўнік 5 «А» класа СШ № 13 Святлана Булак. — Сёння ж сістэма працуе без якіх-небудзь збояў і дэманструе відавочныя плюсы для кожнага: настаўніку больш не трэба збіраць грошы на харчаванне, вучню гэтыя грошы насіць, а бацькі могуць кантраляваць працэс аплаты, не выходзячы з хаты.
Меню можна аберкаваць папярэдне дома
Кожны ранак працоўнага дня Святланы Булак пачынаецца з запаўнення электроннага талона на харчаванне. Класны кіраўнік ўносіць імёны адсутных, перавагі дзяцей па частцы меню. У электронным выглядзе такая заяўка трапляе да загадчыка вытворчасцю школьнай сталовай. Далей усё ў звычайным парадку: дзеці прыходзяць у сталовую і атрымліваюць тое, што замаўлялі. Ужо пасля гэтага загадчык вытворчасцю адпраўляе электронны талон-пацверджанне класнаму кіраўніку з колькасцю вучняў, якія паабедалі. Настаўнік ўносіць дадзеныя ў сістэму, і адбываецца аплата.
Зручна гэта не толькі дзецям, але і іх бацькам. Па-першае, абмеркаваць меню дзіця можа дома: у асабістым кабінеце аднаго з бацькоў спецыяльнай электроннай сістэмы адлюстроўваюцца варыянты меню на заўтра. Па-другое, зручна кантраляваць аплату і самастойна вызначаць графік папаўнення «школьнага харчовага балансу».
Выбіраюць дзеці, як правіла, дадатак да гарніру. Напрыклад, застаючыся ў межах адной сумы аплаты за абед, да бульбы можна замовіць рыбу або курыную катлету. Варыянты выбару фармуюць у камбінаце школьнага харчавання і толькі такім чынам, каб пры любых перавагах дзіцяці яго тыднёвае меню заставалася збалансаваным.
Удзельнічаюць у эксперыменце па частцы электроннага меню і парадку дзевяноста дзяцей у сярэдняй школе № 39 мікрараёна Альшанка.
Дарэчы, з 1 снежня на 10% павялічацца выдаткі на харчаванне дзяцей у садках, навучэнцаў школ і прафесійна-тэхнічных установаў.