Гродзенскія ратавальнікі выязджалі на пажар у кватэры па вуліцы Чырвонаармейская увечары 25 лістапада, паведамляе прэс-служба МНС.
Як распавяла 88-гадовая гаспадыня, падчас прагляду тэлевізара яна заўважыла дым, які ідзе з халадзільніка. Калі зазірнула ўнутр, выявіла там палымянае гарэнне. Жанчына выбегла з кватэры і апавясціла суседзяў пра здарэнне. Яны ў сваю чаргу выклікалі ратавальнікаў, якія аператыўна справіліся з пажарам.
Агнём пашкоджаны халадзільнік і маёмасць у пакоі, у кватэры закураны сцены і столь. Пацярпелых няма. Мяркуецца, да ўзгарання прывяло кароткае замыканне электраправодкі халадзільніка.
