Жыхар Мінска незаконна перамяшчаў праз пункт пропуску «Брузгі» тавар, агульны кошт якога больш за 30 тысяч беларускіх рублёў.
Падчас правядзення мытнага кантролю ў багажы кіроўцы знайшлі амаль 90 адзінак незадэклараваных тавараў, такіх як адаптары, дыскі, геймпады і іншыя. Акрамя таго, у багажным аддзяленні аўтамабіля мужчына схаваў 3 ноўтбукі Apple, а ў рукавах сваёй курткі - 4 смартфоны, паведамляе Гродзенская рэгіянальная мытня.
Усяго з пачатку года мінчук перасёк мяжу больш за 40 разоў. Улічваючы гэты факт, а таксама характар тавару, гаджэты не могуць быць аднесены да тавараў для асабістага карыстання і падлягаюць абавязковаму пісьмоваму дэклараванню з выплатай мытных плацяжоў.
Гродзенскай рэгіянальнай мытняй пачаты адміністрацыйны працэс у адпаведнасці з ч. 1 арт. 14.5 КаАП Рэспублікі Беларусь.