Пасля вымушанага перапынку працягнулася рэканструкцыя камяніцы па вуліцы Калючынскай, 23, уладальнікам якой з’яўляецца бізнесмен Станіслаў Сямашка. На аб’екце з’явіўся новы пашпарт, згодна з якім закончыць працы плануецца ў лютым 2018 года.
Рэканструкцыю старога будынка ў цэнтры Гродна прыпынялі ў кастрычніку, калі заказчык падаў у гарвыканкам заяўку на карэкціроўку праекта.
Цяпер аб’ект працягваюць рэканструяваць пад гандлёва-гасцінічны комплекс. Пра гэта Hrodna.life распавяла жонка Станіслава Сямашкі Наталля.
«Будаўнічыя работы працягваюцца, толькі іх выконвае ўжо іншая арганізацыя. Першая арганізацыя аказалася несумленнай, мы з імі перасталі супрацоўнічаць.
Што ў будучыні будзе ў будынку — пакуль нам цяжка сказаць, усё пакуль у распрацоўцы. Так, мы мелі спрэчкі з архітэктурай: мы хацелі зрабіць будынак больш прывабным, але нам сказалі зрабіць па-іншаму. Уласна парушэнняў не было, былі толькі пытанні па дэкоры, якія ўжо вырашаны».
Раней ва ўпраўленні архітэктуры гарвыканкама Hrodna.life расказалі, што парушэнні былі - будаўнікі адхіліліся ад праекту. «Адхіленні не былі ўзгоднены паводле праекта. Усё, што было зроблена незаконна, заказчык ужо дэмантаваў».
Дом па вуліцы Калючынскай 23 быў пабудаваны пасля пажару 1885 г. Ён быў адным з найбольшых будынкаў тагачаснага Гродна. У ім размяшчаліся розныя навучальныя яўрэйскiя ўстановы. Адсюль пайшлі і будучыя рабіны Тэль-Авіва і Ізраіля Амiель і Унтэрман. Гэты дом быў адным з галоўных будынкаў, што ўтваралі пачатак вуліцы Калючынскай, што цягнулася ад Савецкай плошчы. У савецкi час у доме размяшчаўся інтэрнат, а з часам будынак прызналі непрыдатным дле жыцця
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…