Валера-спайдэрмэн. У Гродне з’явіўся свой супергерой: паласаты і ў трэніках

Хэлоўін прайшоў і гродзенцы схавалі касцюмы. Акрамя аднаго. Валера ўжо некалькі месяцаў пераймае стыль Чалавека-павука з дапамогай паласатай байкі з цікавым кроем капюшона. Хлопца можна сустрэць у цэнтры Гродна.

Валеру 18 гадоў, ён вучыцца ў адным з каледжаў горада. Свой вобраз хлопец прыдумаў яшчэ год таму, але доўга не адважваўся выйсці ў ім на вуліцу.

«У сваім вобразе я падобны да Чалавека-павука ці якога-небудзь іншага супергероя. Мне гэта падабаецца, — кажа хлопец. - Вядома, на вучобе даводзіцца здымаць маску, ну ці калі бачу супрацоўнікаў міліцыі. А так па горадзе я стараюся хадзіць у вобразе. Апранаюся я так ужо некалькі месяцаў. Узімку зверху буду яшчэ куртку апранаць».

Родныя і блізкія Валеры лічаць, што нельга хадзіць у такім выглядзе па горадзе. Маўляў, хлопец павінен быць такім жа, як і ўсе. Але Валера думае інакш і імкнецца быць падобным да Чалавека-павука не толькі стылем, але і дзеяннямі.

«Я ўсё серыі „Чалавека-павука“ перагледзеў па некалькі разоў. Мне вельмі спадабалася гэтая стужка і я вырашыў быць падобным да галоўнага героя. Звышнатуральных магчымасцяў у мяне яшчэ няма, але я ўпарта займаюся спортам: бегаю і добра скачу».

«Супергеройскую» байку Валеру падарыла бабуля. Яна сказала, што звязала яе сама.

«Людзі вельмі дзівяцца, калі бачаць мяне на вуліцы. Але ім трэба прывыкаць», — перадаў супергерой гродзенцам праз журналіста Hrodna.life.