Культавая “Чабурэчная” на вуліцы Ажэшкі ўжо тыдзень зачынена. Там ідзе рамонт. З апошнімі арандатарамі ўладальнік памяшкання не працягнуў супрацоўніцтва. Неўзабаве на месцы “Чабурэчнай” можа адкрыцца піцэрыя.
“Хутчэй за ўсё “Чабурэчнай” там больш не будзе. Мы [два кампаньёны] не паразумеліся з уладальнікам памяшкання. Аб’ект ужо арандуюць новыя бізнесмены, – распавядае былы арандатар Юрый. – Уласнік памяшкання ўзяў і зачыніў нас імгненна. Калі атрымаецца, пераедзем у іншае месца”.
“Чабурэчная” на вуліцы Ажэшкі праіснавала шмат гадоў, а была яна адчынена яшчэ ў савецкі час. За шмат гадоў установа стала культавым месцам, якое палюбілі многія гараджане.
