Сустрэча-дыскусія з журналістам і палітолагам Аляксандрам Фядутам «Размовы пра свабоду» прайшла ў Гродне 19 верасня. Яна стала першай імпрэзай новага праекта — HrodnaMediaRoom. Плануецца, што Медыярум стане пастаянным месцам сустрэч гродзенцаў з вядомымі медыяэкспертамі. Арганізавалі праект Гродзенская філія Беларускай асацыяцыі журналістаў, рэдакцыя партала Hrodna.life і Цэнтр гарадскога жыцця.
«Мы плануем ахапіць розныя бакі медыяпрасторы, каб было цікава не толькі прафесійным журналістам, але і шырокаму колу гродзенцаў. Увогуле, ёсць „звышмэта“ — падвысіць інфармаванасць гродзенцаў і давер да незалежных журналістаў, падтрымаць свабоду слова», — распаваля адна з арганізатарак праекта Вольга Корсун.
Да канца года ў Mediaroom’е запланавана каля 10 сустрэч з вядомымі медыйнымі асобамі. Ужо ёсць папярэдняя дамоўленасць са Святланай Калінкінай, Ягорам Марціновічам, Антонам Матолькам ды іншымі.
«Мы хочам запрашаць і маладое пакаленне, і мэтраў беларускай журналістыкі», — тлумачаць арганізатары.
Апроч рэгулярных сустрэч HrodnaMediaRoom плануе запісаць шэраг інтэрв'ю з вядомымі гродзенскімі журналістамі і стварыць летапіс свабоды слова ад 90-х до нашых дзён. Вынікам сёлетняй працы стане выстава, прысвечаная незалежнай журналістыцы Гродзеншчыны.
«Для мяне свабода — гэта мажлівасць выбару, які я ўсведамляю. Магчымасць пісаць што хачу, чытаць што хачу, думаць што хачу, перасооўвацца па свеце як хачу і там дзе хачу. Гэта мажлівасць выбіраць, да каго я стаўлюся добра, а да каго стаўлюся дрэнна, мажлівасць удзельнічаць у зменах у маей краіне, згодна з тым, як я лічу гэта мэтазгодным. Гэта — свабода. Свабода — гэта мажлівасць выбару — вольнага выбару».
«Зараз шмат хто кажа, што Беларусь — гэта краіна, грамадзяне якой дэлегавалі сваё права выбару дзяржаве дзеля таго, каб яна ім нешта дала. Не. Гэта краіна, у якой грамадзяне ў 94-м сапраўды зрабілі выбар, які яны хацелі.
А вось далей адбылося страшнае, калі дзяржава пачала мяняць сваіх грамадзян і яны раптам на гэта пагадзіліся. Добра ж, калі ёсць што есці ў лядоўні, добра, што ёсць гарантаваная праца, добра што сусед не атрымлівае больш за мяне. Дзяржава пачала будзіць у сваіх грамадзянах вось гэта — не зусім чалавечае і зусім не беларускае. І вось гэта было вельмі і вельмі дрэнна. І зараз маем тое, што маем".
Новы аб'ект грамадскага харчавання адкрыецца ў будынках № 31 і № 33 па вул.Вялікай Траецкай…
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…