Ікона прыбудзе ў наш горад 20 верасня, да святкавання 25-годдзя адраджэння Свята-Раства-Багароднічнага жаночага манастыра, паведамляе Гродзенская праўда. Боскую літургію ўзначаліць Патрыяршы Экзарх усяе Беларусі, Высокапраасвяшчэннейшы Мітрапаліт Мінскі і Заслаўскі Павал.
У 1960 годзе, калі абіцель была зачынена, 58 манашак з яе здабылі прытулак у сценах Жыровіцкага Свята-Успенскага манастыра. На працягу 32 гадоў у храме не гучала малітва.
У пачатку 90-х было вырашана адрадзіць у Гродне жаночы манастыр. З першых дзён пачалі рамонт храма і ўжо 1 ліпеня 1992 года здзейснілі першую службу — роўна праз 32 гады пасля яго закрыцця.
Паступова ўвесь комплекс быў перададзены манастыру. Змаглі вярнуць і многае са згубленых святынь, у тым ліку і галоўную — цудатворны міратачывы абраз Божай Маці Уладзімірскай.
У 1998 годзе Свята-Раства-Багароднічны жаночы манастыр наведаў кіраўнік дзяржавы Аляксандр Лукашэнка, пакінуўшы запіс у кнізе ганаровых гасцей: «Захапляюся вашай мужнасцю і адданасцю вялікім каштоўнасцям чалавецтва. Дай Гасподзь вам дабра, міру і шчасця «. Тады ж было прынята рашэнне перадаць увесь комплекс манастыра ва ўласнасць Праваслаўнай Царквы.
Праз некалькі месяцаў пасля адраджэння манастыра пры ім была адкрыта першая ў Гродне нядзельная школа. Сёння яе наведвае каля ста дзяцей. Пры манастыры існуе таксама сястрыцтва, якое аб’ядноўвае каля 40 чалавек.
Жыровіцкая ікона Божай Маці Жыроыіцкай прыбудзе ў Гродна 20 верасня ў 16.00, пасля чаго будзе адслужаны малебен з акафістам, а ў 18.00 пачнецца усяночнае трыванне. Храм будзе адкрыты да 21.00.
На наступны дзень у 9.30 адбудзецца Боская літургія, якую ўзначаліць Патрыяршы Экзарх усяе Беларусі, Высокапраасвяшчэннейшы Мітрапаліт Мінскі і Заслаўскі Павал. На працягу ўсяго дня будзе здзяйсняцца малебен з акафістам.
Храм для вернікаў адкрыты з 8 раніцы да 21.00.
З 22 па 24 верасня пакланіцца абразу можна з 7 раніцы да 20.30.
25 верасня ў 11.00 у храме адслужаць малебен з акафістам Жыровіцкай іконе Божай Маці, адбудзецца хрэсны ход і праводзіны святыні.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…