У Гродне выдалі фотакнігу прысвечаную культаваму ДК Грэка — пакуль у адзінкавым экзэмпляры

Фатограф Яўген Кандратовіч, які вясной падрыхтаваў выставу, прысвечаную андэграўнднай пляцоўцы ДК імя Грэка, зараз прапануе набыць фотакнігу «ДК імя Грэка: памятныя фота на памяць». Туды ўвайшло 70 фота на 64-х старонках, «зараджаныя на настальгічныя ўспаміны», як кажа аўтар.

Кніга мае фармат 19×13 см і цвёрдую заламінаваную вокладку. Унутраны блок надрукаваны на мелаванай паперы. Пакуль кніга існуе ў адзінкавым экзэмпляры, але яе можа замовіць у Цэнтры Друку «НОТИС» кожны жадаючы. Цана — 36 рублёў.


ДК імя Грэка — культавае для Гродна месца, дзе на энтузіазме музыкаў праводзіліся андэграўндныя канцэрты. Яго стварыў у 2008 годзе гурт «Твой Город». Месца перастала існаваць у 2012 годзе, калі будынак, дзе знаходзілася рэпетыцыйныя кропка, знеслі для будаўніцтва дарожнай развязкі.


[irp posts="18 738″ name=""ДК імя Грэка: фота на памяць". У бары «Карыца» адкрыецца выстава Яўгена Кандратовіча"]

ДК Грэка ўзгадвае Яўген Нікіцін, лідар гурта «Прощай, привычка»:

— У кожнага горада ёсць свая гарадская рок-легенда. З часам ДК Грэка стала менавіта такім месцам. Хачу адразу абмовіцца, што такія клубныя легенды былі і да існавання ДК Грэка — гэта Клетка-1, Клетка-2. Спадзяюся, у будучыні з’явіцца месца, пра якое будзе пісаць наступнае пакаленне. Такія месцы атрымліваюць статус легенды праз нейкі час, як правіла, пасля знікнення. Час расставіў ўсе кропкі над «і» і мы цяпер маем пустку, якая засталася ў нашых сэрцах.

У мяне быў невялікі рок-н-рольны перапынак, які шчасліва скончыўся маім уваходжаннем у склад гурта «Любимая вредная привычка». На той момант нашаму гурту патрэбен быў музычны дом і ён з’явіўся ў выглядзе ДК Грэка. Напачатку там праходзілі рэпетыцыі, а затым ДК ператварылася ў пляцоўку для правядзення канцэртаў.

На той момант мяне вельмі моцна штарміла ад ідэй, мы з «ЛВП» проста фантанавалі музычным матэрыялам. Я адчуваў, як каманда набірае абароты, і ўсе, хто былі ў ДК, гэта бачылі і вельмі нам дапамагалі. ДК для нас стаў адпраўной кропкай, калі мы не маглі ўжо дыхаць па-іншаму. Энергетычна гэта месца мела магніт і гэта выяўлялася ў тым, што ты туды мог прыйсці не па нейкай прычыне, а проста так.

Стылістычныя рамкі там папросту не існавалі. Гэта было закладам здаровай атмасферы і прыязных адносін, якія ўсё хлопцы захавалі да гэтага часу. Адзінай умовай для правядзення канцэрта была наяўнасць электрычнасці ў разетках, добры настрой у выступоўцаў і такі ж настрой у слухачоў. Гэта была ідэальная форма дэмакратычнага грамадства, у якім усё вырашалася шляхам галасавання і разумнага размеркавання роляў ва ўсіх сферах дзейнасці.

Гісторыя з закрыццём была вялацякучым працэсам, перыядычны ўсплывала інфармацыя аб розных датах, але пытанне было ўжо вырашана. Проста ў паралельным свеце для кагосьці гэта проста будынак, які павінен быць знесены. Сказаць, што было балюча — гэта значыць нічога не сказаць, нам больш не было дзе спяваць. Было б класна, калі б які-небудзь скульптар паставіў там невялікі мемарыяльчык.

Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025