З восені 2017 Савецкая плошча ў Гродне стане цалкам турыстычнай. Пра гэта тэлеканалу «Гродна плюс» паведамілі ў гродзенскім гарвыканкаме.
У будучыні на плошчы больш не будуць праводзіцца кірмашы. Усе гандлёвыя мерапрыемствы перамесцяцца бліжэй да гандлёвых цэнтраў і ў раён Скідзельскага рынку. У будучыні плошча стане больш адкрытай для турыстаў і для правядзення канцэртных праграм.
Даведка
Савецкая плошча — адна з галоўных плошчаў у цэнтральнай частцы Гродна. Размешчана на стыку вуліц Савецкай, Кірава, Карла Маркса, Стэфана Баторыя, Маставой, Замкавай, Калючынскай і Кастрычніцкай. Старыя назвы — Рынак, Ратушная, Парадная, Саборная, Стэфана Баторыя, Kirchplatz. Цяперашную назву плошча атрымала ў 1940 годзе.
