Пасля крыўднай нічыi з «Іслаччу» ў Гродне, каманда Ігара Кавалевіча ў наступным туры адправілася ў Слуцк, дзе здолела абыграць мясцовую каманду з лікам 2:1. Дзякуючы перамозе над прынцыповым супернікам, гродзенцы замацаваліся на чацвёртым месцы ў турнірнай табліцы.
«Нёману» даволі хутка ўдалося адкрыць лік у матчы. Валерый Жукоўскі на 6-й хвіліне пасля паса Якімава здолеў з дваццаці метраў дакладна патрапіць у вароты случчан. Праз дваццаць хвілін усё той жа Жукоўскі дакладным ударам са штрафнога падвойвае перавагу «Нёмана».
«Слуцк» у першай палове матчу нiчога не змог зрабiць з добрай гульнёй гродзенцаў i каманды адправіліся на перапынак пры ліку 0:2.
Са стартам другога тайма гаспадары сталi гуляць больш актыўна. І Шыкаўка, які выйшаў на поле з пачаткам тайма, здолеў адыграць адзін мяч. Зрабіў ён гэта на 59-й хвіліне. Пасля гола гаспадары вялікімі сіламі пайшлі наперад, але «Нёман» гуляў ад абароны і не дазволіў «Слуцку» яшчэ раз вызначыцца ў матчы. Тым самым гродзенцы захавалі пераможны лiк да канца сустрэчы.
«Слуцк» — «Нёман» — 1:2
Дзякуючы дублю Жукоўскага, «Нёман» у Слуцку набірае каштоўныя 3 ачкі і замацоўваецца на чацвёртым радку ў турнірнай табліцы. Гродзенцы маюць у актыве 32 ачкі.
Наступную гульню чэмпіянату «Нёман» правядзе ў Гродне 20 жніўня. Гасцяваць на захадзе Беларусi будзе мінскае «Дынама».
На продаж выставілі сетку кафэ MyLoverBerry. Адна з трох устаноў знаходзіцца ў Гродне - менавіта…
Аўтары петыцыі абураныя міжнароднай узнагародай праекта жылога комплексу «Аляксандраўскі» на месцы знесеных царскіх казармаў XIX ст.…
За мінулы тыдзень сярэдняя цана кватэры ў Гродне вырасла на 0,5% і склала $844 за…
Тэрасы з'явяцца ў аднаго з дамоў, які будуецца на тэрыторыі былога ваеннага гарадка на Фолюшы.…
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…