Як паведамляюць вартаўнікі былой навучальнай установы на вуліцы Лермантава, яны будуць ахоўваць аб’ект да канца жніўня. Пасля пабудовы перададуць ва ўласнасць горада. Гэта адбудзецца восенню, менавіта тады і будзе вырашацца далейшы лёс будынкаў.
Пра тое, што школы на вуліцы Лермантава не будзе, Hrodna.life распавялі ў аддзеле адукацыі Гродзенскага гарвыканкама яшчэ ў сярэдзіне чэрвеня. Менавіта тады Дапаможная школа № 1 стала пераязджаць на вуліцу Дзяржынскага. Зараз у былой навучальнай установе знаходзяцца толькі вартаўнікі.
«Мы тут да канца жніўня, а пасля ўсё перадаем гораду, — распавядае адзін з вартаўнікоў. — Што тут будзе ў будучыні пакуль невядома, але стан пабудоў яшчэ добры. Пагаворваюць, што іх лёс будуць вырашаць восенню. Нядаўна хадзілі чуткі, што футбольную акадэмію плануюць у школе зрабіць, якраз побач футбольныя палі. Але гэта ўсяго толькі чуткі».
Клас матэматыкі-інфарматыкі загарэўся 18 красавіка. Завуч арганізавала эвакуацыю ўсіх навучэнцаў і выкладчыкаў. Пажарным спатрэбілася 10 хвілін, каб патушыць агонь. Пасля пажару былі сапсаваныя кабінет і столь у калідоры. Планавалася, што гэта ўсё адновяць і ва ўстанове працягнецца навучанне, але гэтага не адбылося.
Варта адзначыць, што школа існавала ў старых будынках на вуліцы Лермантава з моманту пабудовы ў канцы 1920-х гадоў.
Непаўналетняга жыхара Ваўкавыска асудзілі на год "хатняй хіміі" за здзек з дзяржаўнага сцяга, піша мясцовая…
Асноўныя мерапрыемствы пройдуць у цэнтры горада 1 сакавіка. Запланавана масленічнае шэсце, спаленне пудзіла зімы і…
Гродзенка паказала ў TikTok наступствы капітальнага рамонту інтэрната па вуліцы Гогаля, 9. Пасля работ на…
Жылы комплекс «Аляксандраўскі» узводзяць на месцы былых ваенных казармаў. Забудова будзе складацца з двух невысокіх…
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…