Гараднічанка працягвае прыносіць гродзенцам сюрпрызы. Ля падножжа Старога замка, на вуліцы Працоўнай, якая пасля моцных дажджоў была затопленая, выявілі частку яўрэйскай надмагільнай плiты. Як і два гады таму, яе перавезлі пад сінагогу.
Верагодней за ўсё, мацэва (яўрэйская надмагiльная пліта) апынулася ў Гараднічанцы пасля апоўзняў гары, на якой стаіць сінагога. Старажылы і краязнаўцы распавядаюць, што ў пасляваенныя гады на гары можна было знайсці мноства падобных мацэваў, якія раней былі на яўрэйскіх могілках па Вялікай Траецкай.
Варта адзначыць, што гэта не першая мацэва з Гараднiчанкі. Два гады таму гродзенцы таксама знайшлi падобную пліту. Ёсць верагоднасць, што яны патрапілі ў раку разам з грунтам са старых могiлак, што прывозілі для ўмацавання берага ракі. Так што яшчэ невядома, колькі мацэваў можна знайсці ў рацэ і на яе берагах. Дарэчы, акрамя пліт, у Гараднiчанцы рэгулярна знаходзяць старыя манеты і розныя іншыя цікавыя рэчы.
З-за таго, што сёння яўрэі ўсяго свету адзначаюць сумную дату 9 ава — дзень разбурэння Другога храма ў Ерусаліме, даведацца, што напісана на знойдзенай мацэве не атрымалася. Але гэта пытанне часу.
Надмагільная пліта, як і знойдзеныя раней, была пакладзена каля сінагогі. Там ужо сабралася цэлая калекцыя — амаль што музей мацэваў пад адкрытым небам.
Сям'я з Ліды эканомна адпачыла ў Катары. Краіна дарагая, а Віталь і Таццяна - простыя…
Для пляжаў Гродна вырабяць 105 інфармацыйных знакаў. На іх будзе напісана, што забаронена купанне, вядзецца…
Чарговую пліту на гродзенскай Алеі кіно адкрылі 6 верасня напярэдадні Дня горада. Алея размяшчаецца на…
Недабудаваны сяміпавярховы будынак на праспекце Індустрыяльным, 12 у Смаргоні збіраюцца знесці. Рашэнне аб зносе прыняў…
Пракурор прапанаваў забараніць на "Гродна Азот" роднасныя сувязі ў супрацоўнікаў, якія знаходзяцца ў падпарадкаванні. Каб…
У Гродне 5 верасня прайшла прэм'ера прапагандысцкага фільма "Культурный код". У "Чырвоную зорку" прыйшлі вучні…