Горад

«Прайсцi немагчыма». Пешаходы на Віленскай скардзяцца на машыны і бетонныя паўсферы

Платная паркоўка на Віленскай перастае быць пустой: кіроўцы ў Гродне прывыкаюць і ўжо гатовыя плаціць за паркоўку. Праблемы зараз выяўляюцца з іншага боку: побач са стаянкай немагчыма прайсці і праехаць на ровары.

Штодня бетонныя паўсферы з паркоўкі, як платнай, так і для людзей з інваліднасцю, нехта перасоўвае на тратуар. У выніку немагчыма прайсці пешаходам, праехаць веласіпедыстам і людзям з дзіцячымі вазкамі.

«На вуліцы Віленскай штодня застаўлена ўся паркоўка для людзей з інваліднасцю, пры тым, што яшчэ ёсць месцы на платнай стаянцы, — кажа абураны гродзенец Аляксандр. — Бетонныя паўсферы, якімі была адгароджана паркоўка для інвалідаў, перацягваюць да платнай паркоўкі. Але з-за таго, што паўсферы паставілі на тратуар, пакутуюць пешаходы i веласіпедысты».

Падобная сітуацыя і побач з барам «Карыца», дзе паўсферы таксама знаходзяцца на тратуары. Гэтак, жанчыне з дзіцячым вазком немагчыма праціснуцца памiж імі і апорамі асвятлення — даводзіцца выходзіць на праезжую частку.

«Пешаходы штодня сцягваюць паўсферы з тратуара, каб можна было хадзіць, але кожны дзень іх зноў зацягваюць на тратуар», — каментуе Аляксандр.

У бліжэйшых барах кажуць, што рухаюць паўсферы будаўнікі, бо яны зараз працуюць на Віленскай i час ад часу там праяджаюць аўтамабілі, што абслугоўваюць будоўлю.

Пешаходы ў сваю чаргу сталі звяртацца да супрацоўнікаў ДАІ, якія амаль штодня працуюць на Віленскай.

У прэс-службе ДАІ параілі ў выпадках, калі ўмяшальніцтва інспектара сітуацыю не вырашае, ці на наступны дзень усё паўтараецца, звяртацца ў ДАІ з пісьмовымі заявамі.

Падзяліцца

Апошнія запісы

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025