Здароўе і спорт

Гол Вячаслава Глеба прынёс «Нёману» перамогу над «Славіяй»

Каманда Ігара Кавалевіча ў Мазыры 29 лiпеня толькі на апошніх хвілінах здолела вырваць перамогу ў мясцовай «Славіі». Аўтарам пераможнага мяча стаў навабранец «Нёмана» Вячаслаў Глеб. Дзякуючы чарговай перамозе жоўта-зялёныя паднялiся на чацвёрты радок, якi цяпер дзеляць з ФК «Слуцк».

Матч у супернікаў выдаўся няпросты, пагаворвалі нават пра перанос гульні з-за лужын, якія ўтварыліся на поле пасля працяглых дажджоў. Але работнікі стадыёна ў Мазыры здолелі падрыхтаваць поле і каманды выйшлі гуляць.

Гродзенцы першымі здолелі адкрыць лiк, зрабіў гэта на 29-й хвіліне Андрэй Якімаў. Гаспадары скарацілi перавагу гродзенцаў толькі на 76-й хвіліне. Дакладным ударам у мазыранаў адзначыўся Вадзім Курловіч.

Але кропку ў матчы на ​​першай дадатковай хвіліне паставіў навабранец «Нёмана» Вячаслаў Глеб. Нападаючы пасля прастрэла з флангу толькі з другога ўдару здолеў забiць у вароты «Славіі».

Славія (Мазыр) — Нёман (Гродна) — 1:2

Галоўны трэнер «Нёмана» Ігар Кавалевіч пасля матчу:

— Вялікі дзякуй працоўнікам стадыёна, якія здолелі падрыхтаваць поле. У гульні было шмат барацьбы. Пасля выхаду Страхановіча «Славія» пераламала ход гульні. Мазырчукі працягнулі нагнятаць — але мы змаглі забіць у канцоўцы. Гэта сведчыць аб характары каманды.

— Што скажаце наконт выхаду Глеба?

— Яго задача была прытрымаць мяч і дапамагчы разганяць атакі. Я задаволены, як Глеб працуе і гуляе.

Пасля перамогі над «Славіяй» жоўта-зялёныя дзеляць чацвёрты радок з ФК «Слуцк», у якіх на адзін матч згуляна менш. Абедзве дружыны маюць па 28 ачкоў.

У нядзелю, 6 жніўня, «Нёман» правядзе матч у Гродне. Каманда Ігара Кавалевіча будзе прымаць «Іслач».

Падзяліцца
Меткі: спорт

Апошнія запісы

Сан-Ваўкавыска і Іўеандэлес. У Ваўкавыску камунальнікі апраўдаліся за абрэзку дрэваў у парку, але праблема не там

У Ваўкавыску паабразалі гарадскія дрэвы, а некаторыя і прыбралі зусім. Гарадская камунальная гаспадарка апраўдалася перад…

30 красавіка 2025

У гродзенскай сінагозе знеслі частку сцен — хочуць вярнуць гістарычны выгляд

У вялікай харальнай сінагозе ў Гродне знеслі ўнутраную перагародку паміж вестыбюлем і малельнай залай. На…

30 красавіка 2025

На кнігі «Наш Президент» у Гродне выдаткуюць $ 9000 бюджэтных грошай

На закупку кнігі "Наш Президент" у Гродне выдаткуюць 28 080 рублёў ($ 9190). Іх купяць…

30 красавіка 2025

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025