Гродзенскі клуб адрэагаваў на сітуацыю, якая адбылася ў матчы з удзелам «Нёмана» і БАТЭ на гродзенскім стадыёне ў нядзелю 25 чэрвеня. «Нёман» прынёс афіцыйныя прабачэнні сям'і Пятрэвіч за тое, што ў іх забралі намаляванага імі плакат у падтрымку каманды.
Яшчэ да афіцыйных прабачэнняў гродзенскі клуб заўзятараў адправіў ліст у ФК «Нёман», каб тыя папрасілі прабачэння ў Пятрэвічаў і пакаралі супрацоўніка, які выконваў службовыя абавязкі.
ФК «Нёман» на сваім сайце размясціў наступную інфармацыю:
«На ўчорашні матч супраць чэмпіёна краіны сабралася як ніколі шмат заўзятараў і аматараў футбола. Кіраўніцтва горада, кіраўніцтва клуба, а таксама каманда сваёй гульнёй прыкладваюць велізарныя намаганні, каб вярнуць гродзенцаў на стадыён. І нам вельмі прыемна, што сітуацыя з наведваннем хатніх гульняў «Нёмана» пачынае мяняцца ў лепшы бок. Яшчэ большы аптымізму і жадання працаваць у тым жа кірунку ўсяляе ў нас тое, што футбол у Гродне становіцца, у першую чаргу, сямейным святам. Бацькі прыходзяць на стадыён разам са сваімі дзецьмі не проста пасядзець, а актыўна падтрымаць любімую каманду. Таму нам удвая непрыемная ўчорашняя сітуацыя, якая адбылася падчас нашага матчу з БАТЭ.
Мы прыносім афіцыйна прабачэнні сям'і Пятрэвіч за тое, што наш работнік ініцыяваў адбор намаляванага імі плаката ў падтрымку нашага клуба. Ні інспектар матчу, ні міліцыя, нічога крамольнага ў гэтым плакаце не ўбачыла. На жаль, у некаторых людзей велізарнае жаданне паказаць сваю ўладу засланяе розум. Спадзяемся, што гэты непрыемны інцыдэнт не адаб’е ў вас жаданне ў далейшым наведваць матчы нашай каманды.
Дзякуй сям'і Пятрэвіч, а таксама ўсім, хто прыйшоў познім нядзельным вечарам на матч, а таксама за ўчорашнюю вар’яцкую падтрымку, якую атрымала ад вас каманда".
Нагадаем, «Нёман» у матчы з БАТЭ на родным стадыёне паказаў добрую гульню, але мінімальна саступіў суперніку з лiкам 0:1.
[irp posts="26 208″ name="За такую каманду не сорамна! Нёман" на сваім стадыёне ў сур’ёзнай барацьбе саступіў БАТЭ"]
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…