Горад

У Гродне сустрэлі дваццацітысячнага бязвізавага турыста

Ім стала жыхарка Варшавы Анэта Тэрэза Сабалеўская, якая разам з сям’ёй у выходныя вырашыла ўпершыню прыехаць у Беларусь. Жанчыне на вуліцах Гродна прадстаўнікі аблвыканкама ўручылі сімвалічны падарунак.

«Я ўпершыню ў Гродне і ў Беларусі. І вельмі прыемна здзіўленая, што я стала дваццацітысячным бязвізавым турыстам. — распавядае Анета — Вялікая радасць для мяне, што я была так адзначана. Магчыма, у будучынi разам з сям’ёй я яшчэ вярнуся сюды».

Першыя ўражанні пра Гродна ў юбілейнай турысткі станоўчыя. Прыехала яна на два дні. Працуе ў Варшаве ў тэлекамунікацыйнай кампаніі.

«Аб бязвізавым Гродне даведалася ад сяброўкі, якая ўсё арганізавала. Чакала, што ў Гродне будзе так як у Польшчы, таму што шмат знаёмых мне распавядалі пра гэты горад. І насамрэч, Гродна сваёй архітэктурай падобны да некаторых польскіх месцаў».

У аддзеле спорту і турызму Гродзенскага аблвыканкама, адзначаюць, што Гродна па бязвізавым рэжыме наведала больш турыстаў, чым сталіцу праз нацыянальны аэрапорт.

Нагадаем, Указ № 318, які дае права замежным турыстам наведваць без віз тэрыторыю спецыяльнага турысцка-рэкрэацыйнага парку «Аўгустоўскі канал», уступіў у сілу 26 кастрычніка. Дакумент прадугледжвае магчымасць бязвізавага ўезду тэрмінам да пяці сутак на тэрыторыю парку і ў прылеглыя населеныя пункты Гродзенскага раёна і Гродна. Такім правам скарысталіся ўжо 20 тысяч замежнікаў.

У цяперашні час больш за 60% турыстаў, якія прыязджаюць у Гродна i наваколле без візы, гэта грамадзяне Літвы, 30% гэта турысты з Польшчы, а астатнія — замежнікі з больш чым 50 краін свету.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025