“Дарагія сябры! У Вані падаюць трамбацыты” – так пачынаўся ліст, што атрымала рэдакцыя Hrodna.life 12 чэрвеня. “Сёння збіраўся кансіліум, вырашылі ў чацвер зрабіць пункцыю костнага мозгу” – піша мама Ванечкі, Анастасія Гулевіч.
Бацькі Вані ўжо аплацілі кропельніцу імунаглабуліну, каб падняць трамбацыты, а таксама аналізы і кансультацыі. Гэта каштавала 9000 $.
Каб зрабіць пункцыю, увесці наркоз, здаць дадатковыя аналізы трэба яшчэ прыкладна 6000 $.
“Мы просім вас аб падтрымцы. Дапамажыце сабраць гэтую суму. Без вас мы не справімся, – звяртаюцца бацькі Вані, Наста і Дзіма, да гродзенцаў. – Кожная сума, хоць самая маленькая, дапаможа”.
Сродкі для Вані можна перавесці на рахунак у Беларусбанку, або з дапамогай сервіса МТС “Падзяліся балансам”.
Падрабязнасці з нумарамі рахункаў у розных валютах можна праглядець у ВК.
