Дадаць навіну
Серада, 14 лістапада 2018, 21:44

Гродзенскія “Варвары” прайгралі ў Брэсце і не выйшлі ў плэй-оф

Чарговая гульня Кубка Монтэ Кларка, у якой гродзенскія “Варвары” прайгралі мясцовым “Вартавым” з лікам 32:0, прайшла ў Брэсце 20 мая. Тым самым гродзенцы пазбавіліся выхаду ў стадыю плэй-оф.

Гульня ў Брэсце гродзенскім футбалістам далася цяжка, віной таму – адсутнасць квотэрбека Іллі Гордана, якому ў папярэднім матчы ў Кіеве зламалі руку. А годнай замены гульцу ў абойме гродзенцаў не знайшлося. Менавіта таму “Варварам” даводзілася абараняцца і гуляць на вынасе на працягу ўсёй гульні. Берасцейцы скарысталіся слабасцю гродзенцаў і заслужана іх абыгралі.

Прайграўшы двум асноўным супернікам “Варвары” пазбавіліся ўдзелу ў плэй-оф Кубку Монтэ Кларка, нягледзячы на ​​тое, што засталася яшчэ адна гульня з мінскімі “Паганцамi”, якая пройдзе ў Гродне 10 чэрвеня.

Пасля апошняга матчу Кубка Монтэ Кларка гродзенскiя футбалiсты пачнуць падрыхтоўку да Кубка Беларусі.

comments powered by HyperComments

Раім пачытаць

Каментары

Spelling error report

The following text will be sent to our editors: