Цягам некалькіх дзён гродзенцы маглі паўдзельнічаць у конкурсе ад Hrodna.life і выйграць два камплекты бонсцікаў з альбомамі для іх збірання. Усяго мы атрымалі 30 каментарыяў, але не ўсе ў выніку далі іх аўтарам шанец на перамогу. Правер ніжэй, ці не ты перамог. І нават калі не — не сумуй. Тым больш ужо 21 мая Бонсцікі прыедуць у Гродна ў парк Жылібера!
Нагадваем умовы: трэба было зрабіць фота чалавека з бонсцікамі (фота сябе ці дзіцёнка) і апублікаваць з хэштэгам #hrodnalife. Не ўсе ўдзельнікі выканалі гэта правільна (былі фота толькі бонсцікаў без чалавек, былі фота без хэштэга). Некалькі розных фота з аднаго акаўнта залічваліся як адзін шанец у лёсаванні. Фота з розных сацсетак аднаго чалавека залічваліся як асобныя шанцы. Фота з розных акаўнтаў аднаго чалавека ў адной сацсетцы залічваліся як адзін шанец.
Такім чынам, з 30 каментарыяў пад навіной у розыгрышы ўдзельнічала 18.
Выбіраў пераможцаў генератар выпадковых лічбаў random.org. Першыя дзве лічбы, якія ён выдаў: 9 і 14.
