У Гродне 16 мая на штучным полі ЦСК «Нёман» стартаваў Міжнародны турнір па міні-футболе ў праграме Special Olympics для людзей з парушэннем інтэлекту. На пяцідзённы спартыўны турнір з’ехаліся прадстаўнікі 8 краін — агулам 16 каманд.
Гродна ўпершыню прымае такі турнір, чатыры гады таму ён праходзіў у Барысаве. Удзельнічаюць спартсмены з Азербайджана, Беларусі, Даніі, Літвы, Польшчы, Расіі, Украіны і Эстоніі. Некаторыя прыбылі ў Гродна па бязвізавым рэжыме.
Special Olympics — спецыяльная алімпіяда, якая з 1968 года распаўсюджвае ідэю таго, што людзі з парушэннямі інтэлекту могуць дамагчыся поспеху і зробяць гэта, калі ім даць такую магчымасць. Калі яны трэніруюцца і імкнуцца да мэты, яны вучацца марыць. Special Olympics дае шанец сем’ям, прадстаўнікам улады і бізнесу сумеснымі намаганнямі падтрымаць спартсменаў з парушэннямі інтэлекту, змяніць стаўленне да іх у грамадстве. У свеце па статыстыцы пражываюць каля 200 мільёнаў такіх людзей.
Згодна з правіламі Special Olympics кожны гулец у міжнародным турніры па міні-футболе абавязкова павінен правесці на поле 10 хвілін.
«У Беларусі ўжо 25 гадоў існуе рух Special Olympics, час ад часу мы праводзім розныя спартыўныя мерапрыемствы. Напрыклад, у 2013 годзе ў Барысаве праходзіў такі ж турнір як у Гродне, — распавядае дырэктар па развіцці Беларускага камітэта Special Olympics Вольга Тамукевiч. - Cёлета выбралі Гродна, бо горад прыгожы і гасцінны, дзе можна пабачыць шмат славутасцяў. Гродна знаходзіцца паблізу мяжы — гэта зручна для міжнародных спаборніцтваў. Наш турнір прыцягвае ўвагу да футболу, як да віду спорту, а таксама да людзей з абмежаванымі магчымасцямі. Усе людзі з асаблівасцямі, такія ж як і іншыя людзі, і яны таксама ўмеюць атрымліваць станоўчыя эмоцыі, дамагацца поспеху і радавацца жыццю».
Турнір у Гродне будзе доўжыцца да 19 мая.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…