Адно з самых вясёлых святаў Лаг ба-Омер адзначылі гродзенскія яўрэі 14 мая. У гэты дзень прынята ладзіць вогнішчы, слухаць музыку і весяліцца.
Для самых маленькіх прадстаўнікоў абшчыны каля сінагогі быў падрыхтаваны вялікі сюрпрыз — надзіманая горка. Таксама каля сінагогі прайшоў невялікі дзіцячы парад. Для дарослых свята пачалося за сталом, на якiм прысутнічалі шакалад, садавіна, гародніна і многае іншае.
Доўгі час Лаг ба-Омер не з’яўляўся асабліва значным святам для яўрэяў, аднак сёння значэнне яго моцна ўзрасло. Свята трывала заняла сваё месца сярод усіх вядомых святкаванняў яўрэйскага народа.
У гэты дзень у многіх рэлігійных сем’ях прынята ўпершыню стрыгчы хлопчыкаў, якія дасягнулі трохгадовага ўзросту, а таксама палiць вогнiшча.
Лаг ба-Омер у перакладзе азначае «33-ы дзень Омера». Омерам называюць сямітыднёвы перыяд паміж двума галоўнымі вясновымі яўрэйскімі святамі - Песахам (свята зыходу з Егіпта) і Шавуотам (свята даравання Торы). Гэта адзіны дзень у Омеры, калі адмяняюцца забароны на шлюб, стрыжку і галенне, нашэнне новага адзення.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…