Футбалісты «Нёмана» ў суботу 29 красавіка нечакана на родным стадыёне прайгралі «Віцебску» з буйным лікам 1:4. Ужо на пасляматчавай прэс-канферэнцыі Кавалевіч заявіў, што такая параза гэта яго віна, бо каманда не выканала ўказанні трэнера.
У халодны суботні вечар паглядзець матч з удзелам «Нёмана» і «Віцебска» на мясцовы стадыён прыйшло паводле пратаколу толькі 920 чалавек. Лічба маленькая, але такія рэаліі беларускага футбола. Негледзячы на тое, што каманда Ігара Кавалевіча паказвае з пачатку сезона добры футбол, новыя заўзятары на трыбуны не ідуць.
Гродзенцы актыўна пачалі матч і за першыя 15 хвілін стварылі каля варот суперніка два небяспечныя моманты, дзе маглі вызначыцца. Спачатку Бомбелю крыху не хапіла дакладнасці, а пасля і Рудзіку. А ўжо на 21-й хвіліне госьці стварылі свой першы небяспечны момант — гаспадароў выратавала штанга.
Але на 29-й хвіліне «Віцебск» здолеў усё ж трапіць у вароты «Нёмана». Абаронцы жоўта-зялёных у штрафной пакінулі аднаго Бабічава, які пасля дакладнай перадачы бесперашкодна «расстраляў» вароты Курганскага.
Праз 4 хвіліны ўжо гасцям даводзілася даставаць мяч з сеткі варот. Гродзенцы здолелі хутка адказаць і аўтарам гола, пасля дакладнай перадачы Рудзіка, стаў Лакціёнаў.
Праз хвіліну пасля ўзяцця варот «Віцебска» гродзенцы маглі выйсці наперад, але ў патрэбны момант капітан «Нёмана» Савіцкі не здолеў абыграць галкіпера гасцей.
Не забіваеш ты — забіваюць табе. Менавіта так адбылося і з «Нёманам». На 36-й хвіліне Волкаў абвёў усю абарону «Нёману» і зрабіў лік 1:2.
Пасля перапынку з новымi ciламi гаспадары пабеглі адыгрывацца. Мелі добрыя моманты Абуна, Савіцкі, але мяч у вароты суперніка не ляцеў. А вось у «Віцебска» ў гэты вечар залятала практычна ўсё.
Свой чарговы гол госці забілі на 56-й хвіліне і зноў супернік бесперашкодна мінуў абарону жоўта-зялёных. Аўтарам трэцяга мяча ў «Віцебска» стаў Салавей.
Пасля чарговага прапушчанага гола гродзенцы не палі духам і пайшлі яшчэ большымі сіламі наперад. Для ўзмацнення Кавалевіч спачатку выпусціў Клімовіча, а пасля і Кавалёнка. Былі ў «Нёмана» добрыя небяспечныя праходы і ўдары і нават штангі, але мяч ніяк не хацеў ляцець у вороты суперніка. А вось у «Віцебска» адзiн з апошніх нападаў у матчы скончыўся паспяхова. І зноў паўночнікі без праблем разабраліся з абаронай гродзенцаў і забiлi свой чацвёрты мяч, аўтарам якога стаў Квашук.
Такім чынам гродзенцы запісваюць на свой рахунак чарговую, другую запар паразу. А «Віцебск» набірае свае першыя 3 ачкі ў гэтым сезоне.
Пасля матчу галоўны трэнер «Нёмана» Ігар Кавалевіч ўсю віну за паразу ўзяў на сябе.
«Калі каманда не выконвае тое, што ад яе патрабуе трэнер, значыць вінаваты трэнер. Цалкам такая сітуацыя ляжыць на трэнеры, я бяру на сябе віну за паразу.
Мы хацелі змяніць гульню з выхадам Кавалёнка, але з яго выхадам нічога не памянялася. Мы не атрымалі тое, чаго чакалі. Раз гульцы выходзяць і не паказваюць тую гульню, што ад іх патрабуе трэнер, вінаваты трэнер. Значыць, нешта не так ці не цалкам растлумачыў. Будзем разбірацца, рыхтавацца да наступнай гульні", — сказаў Кавалевіч.
Становішча гродзенцаў у турнірнай табліцы пакуль нязменнае. Каманда з 7 ачкамі ў пяці гульнях знаходзіцца ў сярэдзіне і чакае пакуль пройдуць іншыя матчы ў туры.
Свой чарговы матч «Нёман» правядзе на выездзе ў Магілёве. У нядзелю 7 мая гродзенцы будуць гуляць з «Дняпром».
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…