Манеты, значкі, ордэны, маркі, посуд, паштоўкі і многае іншае можна ўбачыць і набыць на «Кірмашы даўніны», які адкрыўся ў Гродне ў суботу, 29 красавіка, у будынку былога Палаца тэкстыльшчыкаў на Савецкай плошчы. Усяго ў кірмашы ўдзельнічае каля 100 калекцыянераў з розных гарадоў Беларусі.
Такія кірмашы ўжо даўно сталі брэндам многіх еўрапейскіх гарадоў, а ў Гродне, нягледзячы на мноства калекцыянераў, якія ўдзельнічаюць у рэспубліканскіх і міжнародных конкурсах, ён адкрыўся ўпершыню. Плануецца, што кірмаш будзе праходзіць тут раз у квартал. Але калі ён будзе запатрабаваны, арганізатары плануюць ладзіць яго часцей.
[irp posts="18 787″ name="Гродзенскiя калекцыянеры: хочам прынесці сюды еўрапейскія традыцыі «Кірмаша даўніны""]
«У Еўропе сапраўды вельмі шмат падобных кірмашоў, якія праходзяць штомесяц. У суседнім Беластоку нават двойчы ў месяц. А ў нас толькі першы адкрылі. Робім гэта для людзей, каб яны маглі пазнаёміцца з прадметамі даўніны, можа хтосьці і купіць нешта зможа. Пакуль у нас пробны кірмаш і трохі надвор’е падвяло. Але, думаю, за два дні мы здолеем парадаваць гасцей», — расказаў кіраўнік клуба калекцыянераў «Скарабей» Віктар Какарэка.
«Мы разлічваем, што ў будучыні да нас прыедуць госці з блізкага замежжа са сваімі калекцыямі. Прадметы стогадовай даўнасці можна перавозіць праз мяжу. У нас нават ёсць дамоўленасць з дзяжурным мастацтвазнаўцам з гісторыка-археалагічнага музея, які пры патрэбе зможа даць дазвол на права вывазу старых рэчаў, калі яны, вядома, не з’яўляюцца гісторыка-клутурной каштоўнасцю». — дадаў Віктар Какарэка.
[irp posts="17 486″ name=" Салдацікі - мая любоў". Гродзенскі калекцыянер расказаў пра свае цэнныя фiгуркi"]
«Кірмаш даўніны» ў Гродне праходзіць з 29 па 30 красавіка.
[irp posts="17 292″ name="Гродзенскія калекцыянеры пачалі выстаўляць свае багацці ў краме Багач""]
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…