Здароўе і спорт

«Варвары» пачалі новы сезон з перамогі над мінскімі «Ласямі»

У нядзелю 9 красавіка гродзенскія «Варвары» адкрылі новы сезон і стартавалі ў міжнародным турніры — Кубку Монтэ Кларка. Паказаўшы добрую гульню, мясцовыя футбалісты з лікам 36:12 абгулялі мінскіх «Ласёў».

У мінулым сезоне каманда Аляксея Серабракова выступіла не вельмі ўдала. Сярод чатырох каманд гродзенцы занялі трэцяе месца і не прабіліся ў фінал Усходняй лігі амерыканскага футбола. У гэтым сезоне ў гродзенцаў вялікія планы і цалкам вырашальныя — гэта перамога ў сваім дывізіёне і, адпаведна, паўфінал пры хатніх трыбунах.

Першым супернікам, хто прыехаў у Гродна, сталі мiнскія «Ласі». Нягледзячы на тое, што дружына праводзіць першы сезон, гэтую каманду ніхто не спісвае. Гульцы «Ласёў» трэніруюцца з мінскімі «Зубрамi» і ніхто не ведае, чаго ад iх можна чакаць.

Варта адзначыць, што за перыяд міжсезоння «Варвары» істотна абнавілiся новымi гульцамi.

Гродзенскія «Варвары» атакуюць у матчы з мінскімі «Ласямі»
У першай палове матчу каманды яшчэ прыглядаліся адна да адной, але правялі яе актыўна. Гродзенцы здолелі зарабіць 2 тачдаўны і выйсці на перапынак з перавагай 20:12.

Другую палову команда Аляксея Серебракова правяла лепш. Абарона не прапускала суперніка і каманда ў цэлым дапускала менш памылак. А таксама «Варвары» здолелі знайсці слабое месца ў «Ласёў» і ўсю другую палову ў гэтае месца і ціснулі, што прывяло да пераможнага выніку. Гродзенцы нічога не прапусцілі і зарабілі 2 тачдаўны і 2 ачкі зарабіла абарона. Выніковы лiк матчу 36:12.

Галоўны трэнер «Варвараў» Аляксей Серабракоў застаўся задаволены стартам новага сезону.

«Усё прайшло выдатна, мы настройваліся на добры вынік, але такога не чакалі. Каманда паказала сябе з лепшага боку. Нечакана было для мяне, што пачаткоўцы згулялі вельмi добра. Да абароны, як заўсёды пытанняў няма, а вось лінейнаму нападзенню яшчэ ёсць чаму павучыцца — не дапрацоўваюць. А так у цэлым усё выдатна — рады што стартавалі з перамогі і тым больш пры сваіх трыбунах».

Галоўны трэнер «Варвараў» Аляксей Серабракоў
Першую палову сезона гродзенцы правядуць у Кубку Монтэ Кларка. КМК — гэта міжнародны турнір з 10 камандамі удзельнікамі з 5 розных краін. У рэгулярным сезоне згуляюць 4 гульні (2 дома, 2 выезды). Дома «Варвары» ужо прымалi «Ласёў», наступная гульня ў Гродне з «Паганцамi». Выезды ў «Варвараў» будуць у Кіеў (29 красавiка) да «Рэбелс» і ў Брэст да «Вартавых». Пасля будзе плэй-оф. Восенню ў каманды запланаваны ўдзел у Кубку РБ.

Падзяліцца
Меткі: спорт

Апошнія запісы

У Гродне пройдзе штогадовы гарадскі выпускны — будзе больш за 2,6 тыс. удзельнікаў

Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…

13 мая 2025

Mrs Globe з Гродна Лана Глумакова напісала кнігу пра «жаночы магнетызм»

Заснавальніца рэкламнага агенцтва "На ўра" і ўдзельніца конкурсаў прыгажосці Лана Глумакова выпускае кнігу "Жаночы Магнетызм…

13 мая 2025

Квізы, дэгустацыі і касцюміраваныя экскурсіі. Куды пайсці на Ноч музеяў 2025 у Гродне і вобласці

Ноч музеяў пройдзе ў Беларусі 17 траўня. У Гродне абяцаюць квізы і касцюміраваныя экскурсіі. У…

13 мая 2025

На Юбілейным возеры ў Гродне з’явіцца «Князь Гедымін»

Для мадэрнізацыі пляжу на Юбілейным возеры купяць абсталяванне. Там з'явяцца гульнявы комплекс "Князь Гедымін" з…

13 мая 2025

Банкруціцца гродзенская IT-кампанія, якая супрацоўнічала з фірмамі з Канады і ЗША

Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…

12 мая 2025

Гатовы бізнэс: на «Куфар» прадаюць бота для запісу на польскую візу

На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…

12 мая 2025