Здароўе і спорт

У Гродне ўпершыню пройдзе адкрыты гарадскі турнір па дартсу

У Гродне пройдзе адкрыты гарадскі турнір па дартсу для ўсіх жадаючых. Аб гэтым карэспандэнту БЕЛТА паведамілі ў Гродзенскай абласной арганізацыйнай структуры БФСТ «Дынама».

«Дартс вельмі папулярны ва ўсім свеце. Але асноўнай прычынай арганізацыі турніру сталі шматлікія запыты аматараў дартса з Гродна. Як аказалася, іх у абласным цэнтры нямала, аднак ім няма дзе спаборнічаць, каб праверыць свае навыкі і рэалізаваць амбіцыі», — адзначылі арганізатары турніру.

«Дартс уключаны ў праграму, напрыклад, прафсаюзных спартакіяд. Гуляюць у яго прадстаўнікі розных арганізацый і прадпрыемстваў, аднак у Гродне яшчэ ні разу не праводзілася адкрытых спаборніцтваў для ўсіх жадаючых», — дадалі ў БФСТ «Дынама». У планах далейшая папулярызацыя гэтага віду спорту: адкрыццё секцыі для заняткаў дартс, а таксама стварэнне клуба па інтарэсах для аматараў.

«Зрэшты, ходзіць нямала спрэчак пра тое, ці лічыць дартс спортам. Адназначна можна сказаць, што гэта гульня для ўсіх: тут няма абмежаванняў паводле ўзросту, полу, сацыяльнага становішча. Дартс прыцягвае сваёй даступнасцю і мінімалізмам спартыўных аксесуараў», — лічаць арганізатары. Адзінае абмежаванне для ўдзельнікаў на турнiры ў Гродне — быць старэйшым за 14 гадоў. Пажадана таксама прыйсці на турнір са сваім камплектам дроцікаў.

Пройдзе турнір у спартыўна-стралковым комплексе Гродзенскай абласной арганізацыйнай структуры БФСТ «Дынама» (па адрасе БЛК, 17). Пачатак спаборніцтваў 8 і 9 красавіка з 10.00. Падаць заяўку на ўдзел можна як перад пачаткам турніру ў дзень правядзення, так і загадзя асабіста, па тэлефоне або з дапамогай электроннай пошты.

Унёсак за ўдзел у турнiры складае 3 рублі.

Падзяліцца
Меткі: спортхобі

Апошнія запісы

Нерухомасць тыдня: кватэра з паўлінамі прадаецца ў горадзе-спадарожніку

Трохпакаёвая кватэра на другім паверсе прадаецца ў Скідзелі. Рамонт у ёй зроблены з лёгкім намёкам…

14 сакавіка 2025

У Гродне супрацоўнікі адной фірмы за няпоўныя тры месяцы парушылі ПДР 300 разоў

ДАІ Гродна паведаміла, што ў горадзе з пачатку года больш за 300 парушэнняў ПДР учынілі…

14 сакавіка 2025

«Падобнае ела толькі ў Італіі». Гродзенка расказала пра любімую піцэрыю горада

Гродзенка Ганна лічыць, што самую смачную піцу ў горадзе гатуюць ва ўстанове "Мука і вада"…

14 сакавіка 2025

З’явілася 3D-рэканструкцыя Крэўскага замка з трэцяй вежай — вось як гэта выглядае

Беларусы стварылі мастацкую 3D-рэканструкцыю Крэўскага замка, у якой візуалізавалі магчымы від крэпасці з трыма вежамі.…

14 сакавіка 2025

Незвычайны бізнэс: у старым кароўніку пад Свіслаччу вырошчваюць тоны вясёлкавай фарэлі

Браты Клапацюкі ператварылі будынак фермы ў Свіслацкім раёне ў сучасную рыбную гаспадарку. У старым кароўніку…

13 сакавіка 2025

«Гродногаз» і «Гродна Азот». У Гродне створаць адзіную дзяжурна-дыспетчарскую службу: як яна будзе працаваць і чым дапаможа людзям

У Гродне створаць адзіную дзяжурна-дыспетчарскую службу (АДДС) на 16 арганізацый. Яна аб'яднае экстраныя службы і…

13 сакавіка 2025