Напярэдадні адкрыцця новага сезону на Аўгустоўскім канале ўсталявалі двухмятровую скульптуру бабра-інструктара, паведамляе БЕЛТА.
Новая скульптура ўстаноўлена на турыстычнай базе ў вёсцы Нямнова. Жалезабетонны бабёр узброены вяслом і апрануты ў ярка-чырвоную выратавальную камізэльку з надпісам «Інструктар».
Адкрыццё новай скульптуры прымеркавалі да пачатку турыстычнага сезону, а таксама старту традыцыйнага 42-га па ліку міжнароднага фестывалю воднага турызму «Нёманская вясна-2017». Удзел у фестывалі прымаюць звыш 300 спартсменаў і турыстаў-воднікаў з Беларусі, Польшчы, Расіі і Украіны.
«Колькасць удзельнікаў фестывалю, тыя людзі, якія на працягу года прыязджаюць на канал і на Нёман, каб сплавіцца на байдарцы, паказваюць, што водны турызм адраджаецца, становіцца ўсё папулярней. А значыць, запатрабаваная і прафесія інструктара сплаваў, у нейкай меры гэта сімвал і тых, хто дапамагае турыстам», — адзначыў адзін з ініцыятараў стварэння скульптуры намеснік старшыні ГА «Рэспубліканскі турысцка-спартыўны саюз» Сяргей Каляда. Аўтарам скульптуры выступіў умелец Сяргей Жыльскі.
Тое, што ў якасці мадэлі абраны менавіта бабёр, не выпадкова. Гэтыя жывёлы адчуваюць сябе паўнапраўнымі гаспадарамі гэтых месцаў. Напрыклад, цікавыя для пераадолення перашкоды на марафонскай дыстанцыі па рацэ Чорная Ганча — справа лап і зубоў менавіта баброў.
Нягледзячы на тое, што ўсталяваная скульптура на тэрыторыі турбазы, падысці і сфатаграфавацца з ёй можа любы жадаючы. Цалкам верагодна, неўзабаве з’явіцца і якая-небудзь турыстычная легенда, звязаная з бабром-інструктарам.
Новая экспазіцыя прысвечана паўсядзённаму жыццю шляхты ў другой палове XVIII – пачатку ХХ стагоддзя. У…
У Гродне працягваецца суд за ўцягванне ў прастытуцыю і злоўжыванне ўладай. Мяркуючы па ўсім, судзяць…
Парушыў дамову, разгаласіў звесткі. Заснавальнік BY_help Аляксей Лявончык пералічыў прычыны, па якіх фонд дапамогі рэпрэсаваным…
Паводле дадзеных сайта арганізацыі IQAir 12 сакавіка індэкс якасці паветра ў Гродне складае 112. Такі паказчык…
"Бровар Кунца" - такая назва з'явілася ў Instagram-профілі, прысвечаным рэканструкцыі комплексу былога гродзенскага піўзавода і…
Праз пляцоўку "БелЮрЗабеспячэнне" ў Гродзенскай вобласці прадаюць аўтамабіль. Гэта маёмасць асуджанага па "палітычных" артыкулах Дзяніса…