Фота: Яўген Ерчак, probusiness.by
Старшыня агульнага сходу ўдзельнікаў «Контэ Спа» Валянцін Байко і яго брат Дзмітрый (намеснік гендырэктара «Контэ Спа») чарговы раз трапілі ў спіс самых уплывовых і паспяховых беларускіх бізнесменаў. Гродзенцы палепшылі свой вынік на сем пазіцый, але ў топ-10, у якім былі ў 2013 годзе, пакуль не вярнуліся.
Браты Байко займаюць 12 і 13 месцы ў рэйтынгу 2017 года. Спіс штогод складае выданне «Ежедневник». Год Байко яны былі на 19−20 месцах.
Сям’я Байко кантралюе не толькі самую вядомую сваю фірму «Контэ Спа» (панчохі, шкарпэткі, бялізна), але і Брэсцкі панчошны камбінат, Будаўнічае ўпраўленне № 2 (яму належыць ГЦ OldCity), сетку крамаў касметыкі і бытавой хіміі Optima, клубы і кавярні Метро, База і Basta Pasta, Тураўскі малочны камбінат разам з гаспадаркай у Жыткавіцкім раёне. Таксама Байко будуе ў Гродне за польскія крэдытныя грошы самы буйны ў Беларусі гандлёва-забаўляльны цэнтр Trinity.
[irp posts="7509″ name="Уласнік Контэ Спа" Валянцін Байко атрымаў кантроль над італьянскімі сырамі"]
«Контэ Спа» за апошнія гады ператварылася ў аднаго з найбуйнейшых дэвелопераў Беларусі. Па стане на 2016 год у партфоліа кампаній, звязаных з братамі Байко і іх партнёрамі, уваходзіла звыш 40 аб’ектаў нерухомасці.
Байко ў бізнесе з 1992 года. Зараз ён член Савета па развіцці прадпрымальніцтва ў Беларусі, член Савета папячыцеляў гімназіі № 1 Гродна, старшыня Гродзенскай абласной арганізацыі Беларускай федэрацыі веславання, ганаровы консул Украіны ў Гродне. У 2016 годзе перамог у беларускім этапе конкурса EY «Прадпрымальнік года».
Захапляецца ёгай, перакананы вегетарыянец. Спачатку адмовіўся ад свініны, ялавічыны і чырвоных гатункаў мяса, стаў менш ёсць птушкі, потым паступова адмовіўся ад рыбы, малака і малочных прадуктаў. Аснова яго рацыёну зараз — садавіна, гародніна, злакі, кашы і крупы. Паводле яго слоў, задумацца пра якасць харчавання яго прымусіла смерць ад анкалагічнага захворвання ў 43 гады супрацоўніка, які ўзначальваў дачку Контэ Спа ў Кіеве.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…