Горад

На Замкавай паказалі новабуд з рэстаранам і, магчыма, хостэлам

У сярэдзіне лютага будаўнікі прыбралі агароджу на вуліцы Замкавай, 21 і паказалі гродзенцам новабудоўлю, якую ўзводзілі амаль два гады. На першым паверсе ў тэставым рэжыме ўжо працуе рэстаран «Бакст», а на другім паверсе неўзабаве можа адкрыцца хостэл.


Спонсар рубрыкі - «Пліт-мар» ТАА (аб'яднанне «Група кампаній Белпліта»).

Рабіце мэблю самі і эканомце! Распілоўванне мэблевых матэрыялаў па вашых чарцяжах і велізарны склад матэрыялаў і фурнітуры ад першага імпарцёра і асноўнага пастаўшчыка мэблевых матэрыялаў і фурнітуры ў Гродзенскай вобласці.


Недасведчаны чалавек можа падумаць, што новы будынак на Замкавай — насамрэч стары і мае нейкую гісторыю. Гэта і намагаўся зрабіць інвестар, будуючы ў гістарычным цэнтры. Нагадаем, яшчэ ў 2015 годзе на гэтым месцы знаходзіўся савецкi будынак, дзе калісьці размяшчаўся дзіцячы сад, будаўнічае ўпраўленне № 85, затым чытальная зала абласной бібліятэкі імя Карскага.

Так выглядаў будынак да зносу, 2015 г. (фота А. Хацько)
Гісторык Мечыслаў Супрон адзначае, што новы будынак адрозніваецца ад таго, якi там раней знаходзіўся, і цяпер ён вельмі вылучаецца.

«Згодна абавязацельствам, якія, калі не памыляюся, узяў на сябе заказчык, будынак павінен быў адпавядаць старому будынку пасляваеннага часу, які стаяў на гэтым месцы і быў зруйнаваны. Аднак відавочна, што яго развярнулі фасадам на 90 градусаў, значна завысілі і прыбудавалі мансардны паверх. Калі раней ён быў непрыкметным і губляўся сярод дрэў, якія раслі побач, то цяпер вельмі кідаецца ў вочы.

Наконт эстэтычнай вартасці новабуда таксама ўзнікае шмат пытанняў. Калісьці на гэтым месцы размяшчаліся каралеўскія канюшні, якія згарэлі падчас пажару ў 1899 г. На мой погляд, варта было б аднавіць хоць фрагмент тых гістарычных збудаванняў, акуратна ўпісаўшы ў новы аб’ём. Акрамя таго, месца, дзе вялася будоўля, з’яўляецца вельмі каштоўным у археалагічным плане, аднак раскопкi ў гэтым месцы не праводзілася", — адзначыў гicторык.

Археолагам прыйшлося толькі назіраць за будаўнічымі работамі і за тым, як у культурны пласт забівалі сваі. Дбайных раскопак там не праводзіліся, хаця раён вуліцы Замкавай — адзін з самых старых у Гродне.

Падчас будаўнічых работ
У новым будынку адкрыўся рэстаран з інтэрнацыянальнай кухняй, які носіць імя знакамітага ўраджэнца Гродна — «Бакст». Пакуль ён працуе ў тэставым рэжыме, афіцыйнае адкрыццё — хутка. На другім паверсе заканчваецца рамонт, пасля ўсе памяшканні здадуць у арэнду. Ёсць верагоднасць, што там будзе хостэл.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025