Здароўе і спорт

Скрыжаваць шпагі прыехалі ў Гродна прадстаўнікі трох краін

У Гродне ў лёгкаатлетычным манежы ЦСК «Нёман» з 17 па 19 лютага прайшоў VII адкрыты гарадскі турнір па фехтаванні «Залатыя клінкі Гродна». Акрамя гаспадароў спаборніцтваў скрыжаваць шпагі прыехалі юнакі і дзяўчаты з розных гарадоў Беларусі, Расіі і Літвы.

Усяго за два дні на турніры выступіла каля 180 чалавек. Спаборнічалі яны ў трох дысцыплінах: шабля, рапіра і шпага.

«Мы адзіны горад Беларусі, дзе займаюцца дзіцячым фехтаваннем, таму ў нас на спаборніцтвах і так шмат удзельнікаў. Аб значнасці гродзенскага турніру гаворыць і пастаянны ўдзел спартсменаў з Літвы і Расіі. Зараз у нас прайшоў турнір для малодшых „Залатыя клінкі Гродна“, а для старэйшых будзе ў траўні турнір імя заслужанага трэнера Беларусі Чарнышэвіча, там ужо з’едуцца больш вопытныя спартсмены», — распавёў галоўны суддзя спаборнiцтв Вячаслаў Коўш.

Спаборніцтвы ў Гродне для многіх фехтавальшчыкаў становяцца стартам на шляху ў вялікі спорт. Хтосьці са спартсменаў пасля Гродна едзе на сур’ёзныя міжнародныя чэмпіянаты. Для добрай падрыхтоўкі менавіта на захад Беларусі едуць спартсмены з Волагды.

«Гэта не першы наш прыезд, мы ўжо з Гродна добра знаёмыя. Едзем, бо ведаем, што тут турнір праходзіць на добрым узроўні, яго арганізоўвае чалавек з вядомым імем. Гэтыя спаборнiцтвы для мяне і маіх спартсменаў з’яўляюцца прыступкай для выхаду ў вялікі фехтавальны турнір. Мае хлопцы пасля Гродна ездзяць на чэмпіянаты Еўропы і свету», — распавёў трэнер каманды з Расіі Зміцер Чуркін.

Варта адзначыць, што ў Гродне фехтаваннем займаюцца ў ЦСК «Нёман», а таксама на базе сярэдніх школ № 22, № 28 і № 34. Займаюцца дзеці гэтым відам спорту бясплатна. А вось ужо экіпіроўка каштуе немалых грошай.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025