Ролік зняты ў межах акцыі «З верай у добрыя справы і людзей» пры падтрымцы дзіцячай паліклінікі № 2. Яго галоўнымі героямі сталі дзеці, што простымі словамі расказваюць пра вельмі сур’езныя рэчы.
Мэта новага роліка — распаўсюдзіць інфармацыю, пра тое, як кантраляваць анкалогію і зменшыць рызыку захварэць на рак
Маленькія акторы затрацілі больш за тры гадзіны свайго дзіцячага часу дзеля адной мэты — зрабіць кожнага з нас больш граматнымі ў тэме развіцця анкалогіі і яе прафілактыкі.
Разам з дзецьмі працавалі фатограф Ягор Чупракоў і відэограф Інга Сакута.
Гэты ролік стаў другім у шэрагу відэа, знятых камандай Дхіцячага хоспіса. Летась тэмай роліка была ранняя сімптаматыка дзіцячай анкалогіі
Ва ўсім свеце 4 лютага адзначаецца як Міжнародным днём барацьбы супраць рака, а 15 лютага — міжнародным днём дзяцей, якія хварэюць на анкалогію.
З кожным годам людей, якія сутыкаюцца са словам «рак» становіцца ўсё болей. Гэтым словам прынята абагульняць больш за 100 хвароб, якія могуць паражаць арганізм чалавека.
