У дзень закаханых на плошчы Савецкай прайшоў флэшмоб пад назвай “Вогненнае сэрца”, у якім прынялі ўдзел некалькі сотняў гродзенцаў. Усе ўдзельнікі сталі ў вялікае сэрца і адначасова ўключылі падсветку сваіх тэлефонаў.
Акрамя флэшмобу на плошчы прайшлі выступы рыцараў i артыстаў народнай эстраднай студыі “Мiленiўм”. Кульмінацыяй вечара, акрамя флэшмобу, стала прапанова рукі і сэрца гродзенца Дзмітрыя сваёй дзяўчыне ў прысутнасці соцень гродзенцаў.
